30-márte jalaýy jelbiregen ulttyq lıga oıyndarynda 9 komanda kúsh synasýda. Olar – «Altaı», «Jetisý», «Qýanysh», «Almaty», «Qaraǵandy», «Altaı-2», «Ertis», «Arý Astana» jáne «Jetisý-2». Ekinshi týrda eń úzdik nátıjege «Qýanysh» qol jetkizdi. Petropavlovskilik ujym barlyq alty kezdesýdi óz paıdasyna sheship, 18 upaı oljalady. Eger olar dál osy qarqynmen jalǵastyratyn bolsa, onda olar aldaǵy ýaqytta elimizdiń eń úzdik klýbtary – О́skemenniń «Altaıy» men Taldyqorǵannyń «Jetisýyna» laıyqty qarsylas atanýy ábden múmkin. Bul joly Almaty oblysynyń arýlary 15 upaı enshilese, Shyǵys Qazaqstan oblysynyń ókilderi 9 upaıdy qanaǵat tutty.
Esterińizge sala keteıik, bul týrda «Altaı» men «Jetisý» ózara kezdesken joq. Kópshilik taǵatsyzdana kútken kezdesý keıinge shegerilgen-di.
