Mysaly, Qaraǵandy oblysynda akademık Qylysh Babaev atyndaǵy aýylsharýashylyq tájirıbe stansasy janynan ǵylymı-óndiristik ortalyq quryldy. Ǵalymdar jem óndiretin fermerlerdi sapaly tuqymdarmen qamtamasyz etýdi kózdeıdi. Iаǵnı atalǵan ortalyq mal azyǵy bazasyn damytýmen aınalysatyn bolady.
A.Hrıstenko atyndaǵy QarAShTS basqarma tóraǵasy Darhan Balpanov aldaǵy ýaqytta óndiristi ártaraptandyrý qajettigi týyndap otyrǵanyn aıtady.
– Qaraǵandy aýylsharýashylyq tájirıbe stansasy burynnan beri dástúrli túrde dándi daqyldarmen aınalysady. Bul baǵyt qala beredi. Biraq biz óndiristi ártaraptandyrýdy qolǵa almaqshymyz. О́z strategııamyzdy jańa aǵymdar men mindetterdi eskere otyryp túzettik. Eginshilik jáne ósimdik sharýashylyǵy boıynsha ǵylymı ortalyq bolýǵa umtylamyz. Stansanyń shamamen 12 myń gektar jeri bar, onyń bir bóligin qazir jemshóp óndirisine bólip jatyrmyz, – deıdi ol.
Jańadan qurylǵan ǵylymı-óndiristik ortalyqtyń negizgi mindeti – qýańshylyqqa tózimdi jemshóp daqyldarynyń tuqym sharýashylyǵyn damytý. Osy baǵytta olar otandyq ǵylymı ınstıtýttarmen jáne halyqaralyq uıymdarmen yntymaqtastyq ornatýdy josparlap otyr.
Darhan Balpanov mamandardyń bilim-biligi men kúsh-jigeri suryptardy ázirleýge, tekserýge, beıimdeýge jáne býdandastyrýǵa baǵyttalatynyn atap ótti. Mysaly, ortalyq aldaǵy ýaqytta ósimdiktiń maqsary degen túrin ósirýge erekshe nazar aýdarmaq. Nege deseńiz, bul dándi daqyl álemdik naryqta suranysqa ıe jáne ol qurǵaqshylyq jaǵdaıyna jyldam beıimdeledi.
Qaraǵandy oblysy
