Qazaqstan Respýblıkasy Prezıdentiniń Jarlyǵy

A.Muhamedıulyn Qazaqstan Respýblıkasynyń Mádenıet mınıstri qyzmetine taǵaıyndaý týraly Arystanbek Muhamedıuly Qazaqstan Respýblıkasynyń Mádenıet mınıstri bolyp taǵaıyndalsyn. Qazaqstan Respýblıkasynyń Prezıdenti N.NAZARBAEV. Astana, Aqorda, 2014 jylǵy 11 naýryz №766  

Arystanbek MUHAMEDIULY

1963 jyly týǵan. Qurmanǵazy atyndaǵy Al­maty memlekettik konservatorııasyn, Qazaqstan Respýblıkasy Prezıdentiniń janyndaǵy Ulttyq joǵary memlekettik basqarý mektebin bitirgen. Tarıh ǵylymdarynyń kandıdaty. Konservatorııany bitirgennen keıin Jambyl atyndaǵy Qazaq memlekettik fılarmonııasynyń memlekettik sımfonııalyq orkestrinde maman­dyǵy boıynsha jumys istedi. 1991-1994 jyldary respýblıkanyń Mádenıet mınıstrliginde maman, mınıstrdiń kómekshisi bolyp eńbek etti. «Gúlder» memlekettik ansambliniń dırektory, Respýblıkalyq ulannyń Prezıdenttik orkestriniń bastyǵy, Mádenıet, aqparat jáne qoǵamdyq kelisim mınıstrliginiń Respýblıkalyq jáne halyqaralyq mádenı baǵdarlamalar dıreksııasynyń bas dırektory, «Qazaq áýenderi» aksıonerlik qoǵamynyń prezıdenti qyzmetterin atqardy. Mádenıet jáne aqparat vıse-mınıstri qyzmetine taǵaıyndaldy. Qazaqstan Respýblıkasy Prezıdenti Ákimshiliginiń Ishki saıasat bóliminiń bas ınspektory, sektor meńgerýshisi bolyp jumys istedi. 2008 jylǵy sáýirden – T.Q.Júrgenov atyndaǵy Qazaq ulttyq óner akademııasynyń rektory.  

Hronıka

Memleket basshysynyń Jarlyǵymen Muhtar Abraruly Qul-Mu­hammed basqa jumysqa aýysýyna baılanysty Qazaqstan Respýb­lı­kasynyń Mádenıet jáne aqparat mınıstri qyzmetinen bosatyldy.

* * *

Memleket basshysynyń О́kimderimen: Muhtar Abraruly Qul-Muhammed Qazaqstan Respýblıkasy Pre­zıdentiniń keńesshisi qyzmetine taǵaıyndaldy; Arystanbek Muhamedıuly basqa jumysqa aýysýyna baılanysty T.Q.Júrgenov atyndaǵy Qazaq ulttyq óner akademııasynyń rektory qyzmetinen bosatyldy.