Osy oraıda, eldegi qalyptasqan jaǵdaı jáne qabyldanyp otyrǵan sharalar týraly Memleket basshysy Q.K.Toqaev kúni keshe halyqqa óziniń Úndeýin jarııalady. Prezıdent bul is-áreketterdiń áskerı daıyndyǵy myqty, arnaıy jattyqtyrýdan ótken jáne belgili bir basqarý pýnkti arqyly basqarylatyn ishki jáne syrtqy qarýly lańkester tarapynan jasalyp otyrǵandyǵyn málimdedi. Sol sebepten de, Qazaqstan Ujymdyq Qaýipsizdik týraly Shart Uıymyna qatysýshy memleketterden konstıtýsııalyq tártipti qamtamasyz etý maqsatynda biriktirilgen bitimgerlik kúsh engizýdi surady. Biriktirilgen bitimgerlik kúsh Qazaqstandaǵy jaǵdaı turaqtandyrylǵanǵa deıin qysqa merzim aralyǵynda jumys isteıtinin aıtty. Sonymen qatar, Prezıdent keıbir aımaqtarda ınternettiń ishinara iske qosylatynyn, biraq onyń jalǵan derekter ornalastyryp, eldegi turaqtylyqty buzýǵa bastaıtyn aqparattar taratý, arandatý úshin paıdalanýǵa qatań tyıym salynatynyn, ondaı jaǵdaıda arandatýshylar anyqtalyp, olarǵa jaza qoldanylatynyn jetkizdi. Q.K.Toqaev óńirlerdegi tótenshe jaǵdaıdyń kezeń-kezeńimen alynatynyn aıtyp, halyqqa, onyń ishinde stýdentterge búlikshilerdiń arandatýyna erip ketpeı, tynyshtyqty saqtaýǵa, saıası turaqtylyqty qamtamasyz etýge qosqan úlesi, sanaly azamattyq ustanymdary úshin erekshe rızashylyǵyn aıtyp, úlken alǵysyn bildirdi. Osy oraıda Maqtaaral aýdany, Kentaý qalasy turǵyndarymen kezdesý ótkizý barysynda eldi aýyzbirshilik pen yntymaqqa shaqyrǵan qazynaly qarttarymyz ben ónegeli órenderimizge, jalpy oblysymyzdyń barlyq aýdandary men qalalarynyń halqyna búlikshildikke boı bermeı, qoǵamdyq tártipti saqtaýǵa atsalysqany úshin shynaıy alǵysymdy bildiremin. О́ńir basshysy О́.E.Shókeev bastaǵan tıisti qurylymdar men oblystyq máslıhat depýtattary qalyptasqan jaǵdaıdy turaqtandyrý, halyqty tolǵandyratyn problemalyq máselelerdi sheshý jóninen birizdi jumystar júrgize beretin bolady. Qadirli aǵaıyn, lańkestikpen baılanysty el basyna kún týǵan qaıǵyly sátte Prezıdentimiz halyqpen birge bolyp, áleýmettik-ekonomıkalyq problemalar men halyqtyń muń-muqtajyn qanaǵattandyrý jóninen kúrdeli reformalar men qajetti sharalar keshenin qabyldaıtyndyǵyn jetkizdi. Az ýaqytta qabyldanǵan sharalar óz nátıjesin bereri sózsiz. Áli-aq Otanymyz - Qazaqstan qaryshtap damıtyn bolady. Biz barsha halyq bolyp Memleket basshysynyń Úndeýine qulaq asyp, qasterli elimizde tynyshtyq pen berekeli ómir ornatý isinde qoldaý kórsetýimiz asa mańyzdy. Syn saǵatta halqymyzǵa tán bıik parasattylyq pen danalyǵymyzdy kórsete bileıik, aǵaıyn!
Túrkistan oblystyq máslıhatynyń hatshysy Qaırat Rahymuly Balabıev
