Halyqtyń bastapqy sherýi, áýelgi talaby durys bolatyn. Alaıda arandatýshylar sebebinen basqa baǵyt alyp ketti. Halyq múligin tonaǵandar, áskerge shabýyl jasaǵandar shyqty. Endi onyń anyq-qanyǵyn zań organdary anyqtaıdy. Biraq Prezıdent batyl sheshim qabyldap, birneshe kúnde halyq kútip otyrǵan kadrlyq aýys-túıister jasady. О́z komandasyn senimdi basshylarmen tolyqtyrdy. Memleket basshysy bar jaýapkershilikti ózine alyp, elde tótenshe jaǵdaı jarııalady. Jaǵdaı turaqtalǵan aımaqtarda Tótenshe jaǵdaı da sheshiletini habarlandy. Mundaı jaǵdaıda búkil el bolyp, halyq bolyp Prezıdentti qoldaýymyz kerek. UQShU tártibine saı, ásker de eldegi jaǵdaı turaqtalǵanda shyǵyp keteri anyq. Ári ol kúshter strategııalyq ǵımarattardyń kúzeti úshin shaqyrylǵany belgili.
Al tártip buzǵan buzaqylar, jaýapty adamdar jazaǵa tartylady. Biz qashan da Prezıdent jaǵyndamyz. Alda saıası reformalar bastalady dep senemiz. Biz Prezıdentti qoldaımyz.
Aýyt MUQIBEK,
qoǵam qaıratkeri
