Oblystyq polısııa departamenti baspasóz qyzmeti taratqan málimetke súıensek, Petropavl qalalyq sotynyń úkimimen jergilikti pablıkterdiń biriniń ákimgeri tótenshe jaǵdaı rejıminde qoǵamdyq tártipti buzýǵa arandatqany úshin 30 táýlikke qamaýǵa alynǵan. Ol áleýmettik jelidegi paraqshasynda ekstremıstik uıymnyń is-áreketin nasıhattaǵan. Eldi ereýilge shaqyratyn jazba qaldyrǵan.
- Qoǵamdyq tártipti buzýǵa shaqyratyn áreketter úshin jaýapkershilikti barlyǵy túsinýi tıis. Tótenshe jaǵdaı rejımi kezinde azamattardan jaýapkershilik tanytýdy suraımyn. Barlyq qabyldanyp jatqan sharalar, onyń ishinde ýaqytsha shekteýler eń aldymen halyqtyń qaýipsizdigi men tynyshtyǵyn qamtamasyz etýge baǵyttalǵan, deıdi SQO komendanty, PD basshysy Marat Tólebaev.
