Bul týraly Prezıdent Qasym-Jomart Toqaev UQShU Ujymdyq qaýipsizdik keńesiniń kezekten tys sessııasynda aıtty.
«Aqparattyq vakýýmdy ornatýǵa bolmaıdy. Áıtpese, ony arandatýshylar toltyrady. Bizdiń jaǵdaıda, ókinishke qaraı, ol jalǵasyp jatyr. Biz bılikpen beıbit ashyq dıalogqa shyqqan Qazaqstan halqynyń quqyǵyn qorǵaımyz. Sondaı-aq biz jaqynda bolǵan sııaqty lańkestik pen qarý qoldanýdy joıyp otyramyz. Biz memlekettik egemendik pen shekaranyń tutastyǵyna nuqsan keltirýge jol bermeımiz. Qazaqstan óziniń halyqaralyq mindetterin qatań júzege asyrady», dedi ol.
Memleket basshysy atap ótkendeı, qazir Qazaqstanda konstıtýsııalyq tártip ornatyldy.
«Halyq qaýipsizdigi men turaqtylyǵyna áser etetin jaǵdaılar joıyldy. Lańkestikke qarsy operasııasy aıasynda qylmysqa qatysqandardy anyqtaý jurgizilip jatyr. Búginde polsııa organdaryna 8 myńǵa jýyq adam jetkizildi. Quqyq qorǵaý organdary men arnaıy jasaqtar moroderlik pen lańkestik, adam óltirý derekteri anyqtap jatyr. 116 qarý-jaraq tárkilendi. Operasııa jalǵasyp jatyr. Tyǵylǵan lańkesterdi anyqtaýdyń jospary ózgerip jatyr. Olar saqaldaryn qyryp, qarapaıym azamattardyń kıimin kııý arqyly jańa taktıkaǵa kóship jatyr», dedi Toqaev.
