Reseı prezıdenti bul qaýip otyn baǵasyna qatysty stıhııalyq emes narazylyq aksııalarynan týyndaǵanyn atap ótti.
«Jaǵdaıdy destrýktıvti ishki jáne syrtqy kúshter paıdalandy. Maıdanǵa tán tehnologııalar narazylyqtardy aqparattyq qoldaýdyń qýatty elementterin belsendi qoldandy. Jaqsy uıymdastyrylǵan jáne basqarylatyn sodyrlar toptary, sonyń ishinde sheteldegi lańkestik lagerlerde daıyndyqtan ótken toptar qoldanyldy», dedi Vladımır Pýtın.
«Qasym-Jomart Kemeluly atap ótkendeı, olardyń Qazaqstanǵa shabýyly, al shyn máninde bul elge shabýyl agressııa aktisi boldy. Men bunymen tolyqtaı kelisemin. Munyń bárine kidirissiz jaýap berý kerek boldy», dedi ol.
Ol sondaı-aq, Qazaqstan Prezıdentiniń úndeýin UQShU-ǵa múshe memleketterdiń basshylary birden qoldaǵanyn jetkizdi.
«UQShU tetigi naqty iske qosyldy - Qazaqstanǵa UQShU Ujymdyq bitimgershilik kúshteriniń kontıngenti jiberildi, jáne muny Qazaqstan basshysy ony qoldaný múmkin dep esepteıtin ýaqyt shekteýli kezeńge atap kórsetkim keledi. О́z fýnksııalaryn oryndaǵannan keıin barlyq kontıngent Qazaqstan aýmaǵynan shyǵarylatyn bolady», dep atap ótti RF kóshbasshysy.
Ol UQShU UBK-ni qoldaný «ýaqtyly jáne tek zańdy aksııa» bolyp tabylatynyn, al UQShU bólimsheleri eldiń resmı suraý salýy negizinde jáne Ujymdyq qaýipsizdik týraly sharttyń erejelerine sáıkes jetkizilgenin atap ótti.
Ol Qazaqstan basshylyǵynyń sharalary men UQShU boıynsha áriptesterdiń qoldaýymen jaǵdaı birtindep qalypqa kele bastaǵanyn aıtty.
«Men Qazaqstan Prezıdentiniń osy oqıǵany óz jaýapkershiligine alǵan batyldyǵyn atap ótkim keledi. Ol barlyq is-sharalardy basqardy, syrtqy terrorısterge qarsy turý úshin qoǵamdy, kúsh qurylymdaryn, el azamattaryn shoǵyrlandyrdy. Qazaqstan basshylyǵy quqyq qorǵaý organdarynyń, el ekonomıkasynyń qalypty jumysyn jolǵa qoıý úshin qoldan kelgenniń bárin jasaıtynyna senimdimin, buǵan bir sekýndqa da kúmánim joq», dep túıindedi ol.
