Oblystyq polısııa departamentiniń qyzmetkerleri jappaı tártipsizdik saldarynan baqı bolǵan áriptesterin bir mınýt únsizdikpen eske alyp, gúl shoqtaryn qoıdy.
«Otanymyzda bolǵan lańkestik shabýyl saldarynan talaı azamattarymyz kóz jumdy. Qara jamylǵan olardyń otbasylaryna kóńil aıtamyz. Qylmysqa qarsy kúreste qaı kezde de alǵy shepten tabylatyn áriptesterimizdiń eńbegi eresen. Qyzmettik boryshyn atqarý barysynda qaza tapqan azamattardy eske alý, rýhyna taǵzym etý – bizdiń mindetimiz», dedi Túrkistan oblysy polısııa departamenti bastyǵynyń orynbasary Baǵlan Halyqov.
Jalpy Túrkistan oblysynda halyqtyń qaýipsizdigin qamtamasyz etý maqsatynda 47 blokbeket qoıylǵan. Onyń 45-i qala, aýdandardaǵy joldarǵa, ekeýi respýblıkalyq mańyzy bar joldarǵa ornatylǵan. Qazirgi kezde óńirde jaǵdaı turaqtalǵan.
