Elimizde beleń alǵan jaǵymsyz oqıǵalarǵa qatty kúıinemiz, sondyqtan biz, Jıdelibaısyn jerindegi joǵary bilimniń aq shańyraǵy – «Syrdarııa» ýnıversıteti stýdentteri jáne professor-oqytýshylary Prezıdent Qasym - Jomart Kemeluly Toqaevpen birge ekenimizdi jarııalaımyz.
Elimizge táýelsizdik alǵannan bergi kezeńdegi eń úlken qaýip-qater tónip, halqymyz úshin syn saǵaty týyp otyr. Eldiń eldigi men erdiń erligi osyndaı syn saǵattarda aıqyn kórinedi. El Prezıdenti Q. K. Toqaev osyndaı qıyn-qystaý sátte óz halqymen birge bolyp, eldi birlikke úndep, sabyrǵa shaqyryp, tyǵyryqtan shyǵar jol taba bildi. Memleket basshysy óziniń halyqaralyq arenadaǵy bedeliniń de joǵary ekendigin kórsetti. Bul bizdiń memleketimizdiń turaqtylyǵyna jáne onyń jarqyn bolashaǵyna úlken senim týǵyzady.
El basyna kún týǵan qıyn kezeńde eldigi men birligin kórsete bilgen halyq qana syn qaterge tótep bere almaq.
Ýnıversıtet janynan elge tóngen qaýipti aýyzdyqtaý, el táýelsizdigin tutastaı saqtap qalý jáne Prezıdent sheshimderin halyq arasynda durys túsindirý maqsatynda erikti stýdent jastardan top qurylǵanyn habarlaımyz.
Jastardy memleketimizdiń tynyshtyǵyn buzǵan arandatýshylarǵa ermeı, el ıgiligi men halyq múddesi úshin bilim alýǵa, eńbek etýge shaqyramyz! Elimizdiń eńsesi bıik, Týy joǵary bolsyn!
«Syrdarııa» ýnıversıteti ujymy, professor-oqytýshylary, Jıdelibaısyn jeriniń jastary Prezıdentimiz Qasym - Jomart Kemeluly Toqaevqa senemiz, birgemiz. Memleket basshysy qoıǵan mindet-maqsattardy buljytpaı oryndaımyz. Otan úshin jan pıda! Jasasyn Táýelsiz Qazaqstan!
«Syrdarııa» ýnıversıtetiniń ujymy
