Jandos Janǵabaev UQK shekara akademııasynyń aǵa ofıseri boldy. Ofıserdiń máıiti týǵan aýylyna arnaıy bortpen jetkizildi. Onymen qoshtasýǵa aýyldastary, dostary, týystary jáne Maqanshy shekara jasaǵynyń qyzmetkerleri keldi.
UQK shekara akademııasynyń ǵımaraty Almatydaǵy Dostyq dańǵylynyń joǵary bóliginde ornalasqan. Almatydaǵy tártipsizdikter kezinde Jandos qyzmet babymen júrdi. Ol óz vedomstvosyn qorǵap, ekstremıstermen atys kezinde qaza tapty.
Lańkesterdiń qolynan UQK shekara akademııasy kafedrasynyń bastyǵy Andreı Qabdınov jáne shekara akademııasynyń úsh kýrsanty Ádilhan Jaıyq, Bitim Meıirhan jáne Dáýlet Juparbekov qaza tapqany belgili.
Qazaqstan Respýblıkasy Prezıdentiniń Jarlyǵymen Jandos Jaǵalbaev pen Andreı Qabdınov qaıtys bolǵannan keıin II dárejeli «Aıbyn» ordenimen marapattaldy. Qaza tapqan kýrsanttar qaıtys bolǵannan keıin III dárejeli «Aıbyn» ordenimen marapattaldy.
