Arnaýly shtabtyń derekteri boıynsha sýmen jabdyqtaý, sý burý, gazben jabdyqtaý, energııa jáne jylýmen jabdyqtaý júıeleri úzdiksiz jumys istep tur. Jappaı tártipsizdik kezinde de bul qyzmetterde irkilis bolǵan joq.
Jol ınfraqurylymyn qalpyna keltirý jumystary da qarqyndy jalǵasýda. Jol qozǵalysyn retteýdiń tehnıkalyq quraldaryn jóndeýge 13 brıgada jumyldyrylǵan. Qıraǵan 46 baǵdarsham nysanynyń 38-i qalpyna keltirilse, qalǵan 5-i ýaqytsha syzba boıynsha qyzmet kórsetip tur. Sondaı-aq, keleńsizdik kezinde 120 jol belgisi búlingen, onyń 96-sy tolyq qalpyna keltirildi. Bul jumystardy 4 brıgada júrgizip jatyr.
Qala bıligi talqan bolǵan tas tósemder 13 qańtarǵa deıin retke keletinin jetkizdi. Jol jabynyn tazartý qarqyn alǵan. Búlingen 43 aıaldama pavılondary da birtindep jóndelýde. Basym bóliginiń áınekteri tutas qıraǵan. Bul jumystarǵa jeke kompanııalar da atsalysýda. Qalanyń tynys-tirshiligin qamtamasyz etýdi qolǵa alǵan mamandar zalaldy baǵalaý áli de jalǵasyp jatqanyn aıtady.
Aıta ketý kerek, barlyq qyzmetter antıterrorıstik ortalyqpen tyǵyz qarym-qatynasta. Búginge deıin kóshelerden 200 tonnadan astam qoqys, aýlalardan 1 myń tonnaǵa jýyq qaldyq shyǵaryldy. Kommýnaldyq qyzmetter áskerı qyzmetshiler zalalsyzdandyrǵan aýmaqtarǵa kiredi. Qalany tazartý jumystaryna quqyq qorǵaý qyzmetkerleri men eriktiler de úles qosty.
Jaýapty vedomstvo, turǵyndar tarapynan qalanyń kommýnaldyq qyzmetine qatysty kez kelgen saýal týyndaǵan jaǵdaıda tómendegi telefon nómirlerine habarlasýǵa bolatynyn málimdedi.
«Almaty Sý» MKK 274-66-66, +7 771 852 9101 (táýlik boıy) – «AlTS» JShS avarııalyq-dıspetcherlik qyzmeti 378-06-65 (táýlik boıy), baılanys ortalyǵy: 341-07-77, qońyraýlardy qabyldaý ýaqyty: 09:00-den 17:00-ge deıin – «Almaty Qala Jaryq» MKK 300-75-41, 300-75-42 – avarııalyq gaz qyzmeti: 104.
ALMATY
