Búginde oblystaǵy jaǵdaı polısııa qyzmetkerleriniń tolyq baqylaýynda. Qoǵamdyq tártipti qamtamasyz etý maqsatynda tótenshe jaǵdaı rejimi aıaqtalǵansha oblys aýmaǵynda 10 blok-beket ornalastyryldy. Qazir Aqtóbe qalasynda 3 blok-beket, al aýdandarda 7 blok-beket bar. Osy oryndarda polısııa qyzmetkerleri men Qorǵanys mınıstrliginiń áskerıleri qyzmet atqarýda, olar oblys jáne aýdan ortalyqtarynan kirip-shyǵyp jatqan avtokólikterdi tekseredi.
Aqtóbe oblysynda komendanttyq saǵat merzimi jergilikti ýaqytpen túngi saǵat 23.00-den tańǵy 07.00-ge deıin uzartyldy. Eldegi shekteýlerge qaramastan túngi mezgildegi júristerin tyımaǵan turǵyndar da kezdesip qalady. Tek 10 qańtar túni ǵana komendanttyq saǵatty buzǵany úshin polısııa bólimderine 115 azamat jetkizilse, 83 ákimshilik adam jaýapkershilikke tartyldy. Komendanttyq saǵat rejimin óreskel túrde buzyp, qujatsyz júrgen, júristeri kúdikti 30 aqtóbelik qamaýǵa alynsa, 9 adamǵa aıyppul salynyp, 20 turǵynǵa eskertý berildi.
10 qańtarda Aqtóbe qalasynyń irgesindegi bir blok-bekette «Vaz-2140» avtokóligin tekserý kezinde júrgizýshiniń janynda otyrǵan jolaýshydan 12 kalıbrli tegis uńǵyly eki myltyq tabyldy. Qazir 40 jastaǵy kólik júrgizýshisi men onyń qasyndaǵy jolaýshynyń ústinen ákimshilik is qozǵaldy. Myltyqtyń qaıdan shyqqany, qujattary tekserilip jatyr.
Aqtóbe oblysy
