«Memleket basshysynyń Parlament Májilisiniń otyrysynda bergen tapsyrmalaryn iske asyrý maqsatynda Mınıstrlik Áleýmettik kodeks jobasyn ázirleýde, ony 2022 jylǵy jeltoqsanda Parlament Májilisiniń qaraýyna engizý josparlanyp otyr. Áleýmettik kodeks aıasynda azamattardyń áleýmettik quqyqtary men mindetterin bekitý, memleket pen jumys berýshilerdiń áleýmettik saladaǵy mindetteri men jaýapkershiligin naqtylaý josparlanýda», dedi Serik Shapkenov Úkimet otyrysynda.
Onyń aıtýynsha, kodeks halyqtyń memleket júrgizip otyrǵan ádil áleýmettik saıasatyn túsinýge septigin tıgizip, azamattarymyzdyń ómir súrý deńgeıin sapaly arttyrady.
«Halyqtyń tabysyn arttyrý baǵdarlamasy boıynsha kelesi sharalar kózdeletin bolady: halyqtyń problemalyq toptaryn, NEET jastaryn erte anyqtaý júıesin jeke qoldaý sharalaryn ataýly kórsetý úshin engizý», dep tolyqtyrdy mınıstr.
Vedomstvonyń baspasóz qyzmeti atap ótkendeı, kómek mamandyq tańdaýda, oqytý men jumysqa ornalasýda kórsetiletin bolady. Aqparattyq júıelerdiń kómegimen iske asyrylyp jatqan ulttyq jobalar sheńberinde jumys oryndaryn qurýdy jáne jumysqa ornalastyrýdy baqylaýdy qamtamasyz etý josparlanýda. Jumysqa ornalasýda jastarǵa, ásirese NEET sanatyna basymdyq beriletin bolady.
