Reıdter barysynda 2246 jaldamaly turǵyn úı men 221 hostelge tekseris júrgizildi. 525-ke jýyq kóshi-qon zańnamasyn buzý faktileri anyqtalyp, 36 zańsyz kelip-ketýshi qabyldap-taratý ornyna ornalastyryldy.
TJ rejımin buzǵany úshin elordada 196 azamat Qazaqstan Respýblıkasy Ákimshilik quqyqbuzýshylyq týraly kodeksiniń 476-baby boıynsha ákimshilik jaýapqa tartyldy. Olardyń 16-sy qamaýǵa alyndy, qalǵandaryna aıyppul salynbaq.
«Elorda turǵyndary komendanttyq saǵattyń engizilgenine qaramastan, qandaı da bir qajettilik bolmasa da kóshede júredi. Olardyń arasynan tótenshe jaǵdaı rejımin ádeıi buzýshylar da kezdesedi, olarǵa qatysty sot qamaýǵa alý týraly sheshim qabyldaıdy», dep jazylǵan qalalyq Polısııa departamenti taratqan habarlamada.
Qazirgi ýaqytta elordada jaǵdaı turaqty. Quqyq qorǵaý organdary qoǵamdyq tártipti jáne azamattardyń qaýipsizdigin tıisinshe qorǵaýdy qamtamasyz etýde. Nur-Sultandaǵy jaǵdaı tolyqtaı baqylaýda tur. Kúdikti adamdar men tyıym salynǵan zattardy anyqtaý úshin táýliktik rejımde 6 blokbekette kólik quraldarynyń qozǵalysyna tekseris júrgiziledi.
