Qasym-Jomart Toqaev UQShU Bas hatshysyn qabyldady

Memleket basshysy UQShU Bas hatshysynyń jeke óziniń jáne Hatshylyqtyń barlyq qyzmetkeri men UQShU-nyń Birikken shtabynyń elimizdegi bitimgerlik mıssııasyn uıymdastyrý jónindegi kúsh-jigerine qosqan úlesin erekshe atap ótti.

«Bul jaǵdaı Uıymnyń áskerı-saıası qurylym retindegi mańyzdy ekenin taǵy bir ret dáleldedi. Qazir Ujymdyq qaýipsizdik sharty uıymy týraly halyqaralyq qoǵamdastyqta áńgime bolyp jatyr dep oılaımyn. Uıymnyń tıimdiligi qazirgi jaǵdaıda meılinshe aıqyn kórindi. Sondyqtan keleshekte UQShU ózin paıdaly qurylym retinde tanytady dep paıymdaımyn. Hatshylyq ózge halyqaralyq uıymdardyń basshylyǵymen aradaǵy yqpaldastyqty jolǵa qoıýy kerek dep oılaımyn. Bul óte paıdaly bolady. UQShU Bas hatshysynyń Bitimgerlik operasııalar jónindegi arnaýly ókiliniń ınstıtýtyn qurý da óte durys bolady dep sanaımyn», dedi Qasym-Jomart Toqaev óz sózinde.

UQShU Bas hatshysy Qazaqstanda UQShU bitimgerlik mıssııasynyń oryndalý barysy, onyń ishinde Qazaqstan Prezıdenti belgilegen merzim ishinde Uıymǵa múshe memleketter kontıngentterin elimizden shyǵarýǵa daıyn ekenin aıtty.

Stanıslav Zas Qazaqstan Prezıdenti usynǵan UQShU Bas hatshysynyń  bitimgerlik máseleleri jónindegi arnaýly ókiliniń ınstıtýtyn qurý jónindegi bastamany júzege asyrýdyń ýaqtyly ári mańyzdy ekenin quptady.