QHR Tóraǵasy Sı Szınpın Qasym-Jomart Toqaevqa joldaǵan jedelhatynda memleket úshin sheshýshi sátte Prezıdent retinde jaǵdaıdy óz baqylaýyna alyp, batyl ári naqty sharalar qabyldaǵanyn jazdy.
«Osydan Sizdiń saıasatker jáne elińiz ben halqyńyzdyń aldynda zor jaýapkershilik arqalaǵan tulǵa retindegi erligińiz kórinedi. Men muny joǵary baǵalaımyn! Qytaı tarapy Qazaqstannyń turaqtylyǵyna nuqsan keltiretin, onyń qaýipsizdigine qaýip tóndiretin, Qazaqstan halqynyń tynyshtyǵyn buzatyn kez kelgen kúshterge jáne Qazaqstanda sanaly túrde haos týǵyzyp, «túrli-tústi revolıýsııa» jasaıtyn syrtqy kúshterge batyl qarsy shyǵady. Qazaqstan men Qytaı arasyndaǵy dostyqqa syna qaǵýǵa jáne ekijaqty yntymaqtastyqqa kedergi keltirýge tyrysatyn kez kelgen áreketke batyl qarsy turady», delingen Sı Szınpınniń jedelhatynda.
О́zbekstan Prezıdenti Shavkat Mırzııoev óziniń hatynda Qasym-JomartToqaevqa jáne Qazaqstan halqyna kóńil aıtyp, elimizdegi beıbitshilikti saqtaý jolynda qaza tapqan jandardyń jaqyndary men týystarynyń qaıǵysyna ortaqtasatyn jazǵan.
«Baýyrlas Qazaqstanda beıbitshilik pen turaqtylyqty qamtamasyz etý jolyndaǵy Sizdiń batyl kúsh-jigerińizdi tolyq qoldaıtynymyzdy taǵy da naqtylaǵym keledi», dep jazdy О́zbekstan kóshbasshysy.
Qyrǵyzstan Prezıdenti Sadyr Japarov joldaǵan jedelhatynda Qazaqstanda bolǵan qaıǵyly oqıǵalardy zor kúızelispen qabyldaǵanyn atap ótip, Qyrǵyzstan halqynyń jáne jeke óziniń atynan Qasym-Jomart Toqaevqa jáne barsha qazaq halqyna kóńil aıtty.
«Myzǵymas dostyq, tatý kórshilik jáne ózara syılastyqqa negizdelgen halyqtarymyzdyń kóp ǵasyrlyq ortaq tarıhı, rýhanı jáne mádenı baılanystaryn eskere otyryp, Qyrǵyzstan Qazaqstan Respýblıkasyn qashanda nıettes, senimdi kórshi ári strategııalyq áriptes retinde qoldaıdy», delingen Qyrǵyzstan basshysynyń jedelhatynda.
Belarýs Prezıdenti Aleksandr Lýkashenko kóptegen adamnyń qurban bolýyna jáne ǵımarattardyń qıraýyna ákep soqqan sodyrlar tobynyń elimizge jasaǵan shabýyly halyqaralyq terrorızm retinde álemge zor qaýip tóndiretinin jazǵan.
«Ekstremısterdiń túpki maqsaty – kópultty Qazaqstandaǵy jaǵdaıdy turaqsyzdandyrý, elde haos ornatyp, konstıtýsııaǵa qarsy tóńkeris jasaý jáne saıası baǵdardy ózgertý úshin baýyrlar arasynda soǵys otyn órshitý ekeni aıqyn», dep jazdy Aleksandr Lýkashenko.
Tájikstan Prezıdenti Emomalı Rahmon jáne Túrikmenstan Prezıdenti Gýrbangýly Berdimuhamedov jáne BUU О́rkenıetter Alıansynyń Joǵarǵy О́kili Mıgel Anhel Moratınos te Qazaqstan azamattaryna qoldaý bildirip, qaıǵyryp kóńil aıtty.
Jedelhattar áli de kelip túsýde.
