Ystyq shaı, saqshynyń kóńili jaı
Búginde oblysta quqyqtyq tártipti qamtamasyz etý maqsatynda barlyq kúshtik qurylymdar, atap aıtqanda, polısııa qyzmetkerleri, Ulttyq ulan men Qorǵanys mınıstrliginiń áskerı qyzmetshileri kúsheıtilgen rejimde qyzmet atqarýǵa kóshirildi. О́ńirdiń eldi mekenderinde shyǵý jáne kirý joldarynda blok-beketter qoıylǵan.
Qazirgi tańda tótenshe jaǵdaıdyń tártibi kúshine endi. Sońǵy málimetterge saı, polısııa qyzmetkerleri 447 tártip buzýshylyqty anyqtapty. Ákimshilik qamaýǵa 31 tártip buzýshy tartylǵan. Tyıym salynǵan 17 zat, onyń ishinde 9 tegis uńǵyly myltyq tárkilenip, esirtki zattaryn saqtaýdyń 6 faktisi anyqtaldy degen resmı aqparat bar.
Jalpy, elimizdiń ońtústigindegi qaıǵyly oqıǵalar men tótenshe jaǵdaı rejimi Qaraǵandy oblysynyń turǵyndaryn biriktirdi dep senimmen aıtýǵa bolady. Jasyratyny joq, turǵyndardyń kóbi eldi mekenderde kúsheıtilgen patrýldeýge, sondaı-aq blok-beketterdegi tekserýlerge túsinistikpen qaraıdy. Tipti belsendi azamattardyń tynyshtyq kúzetinde turǵan tártip saqshylaryna ystyq tamaq pen shaı ákelgen oqıǵalary da bar. Mysaly, osyndaı izgi qadamǵa alǵashqylardyń biri bolyp áriptesimiz Aınur Balakeshova bardy. Jýrnalıst blok-beketterde kezekshilik etetin polısııa qyzmetkerleri men Ulttyq gvardııashylarǵa ystyq tamaq pen shaı ákeldi.
– Ystyq tamaq pen shaı – bul bizdiń tynyshtyǵymyzdy saqtaıtyn jáne bizdi qorǵaıtyn adamdar úshin jasaı alatyn nárselerdiń az ǵana bóligi. Kúsh – birlikte! Batyrlarymyzǵa kómekteseıik, – deıdi Aınur Balakeshova.
Tapshylyq quryqtalǵan, baǵa yryqtalǵan
Qazirgi tańdaǵy qalyptasqan kúrdeli jaǵdaıda oblysta azyq-túlik tapshylyǵynyń joqtyǵy, janar-jaǵarmaı qorynyń jetkilikti ekendigi týraly resmı habar turǵyndardyń erteńgi kúnge degen senimin eseleı tústi.
Osy oraıda oblys ákimi Jeńis Qasymbek taıaýda ótken apparat keńesinde óńirde baǵanyń negizsiz kóterilýine jol bermeýdi jáne kúndelikti monıtorıng júrgizýdi tapsyrdy.
– Áleýmettik mańyzy bar azyq-túlik taýarlarynyń barlyq túrleri boıynsha baǵanyń negizsiz ósýine jol bermeý boıynsha jumysty jalǵastyrý qajet, – degen ol qalalar men aýdandardyń ákimderine, oblystyq basqarmalardyń basshylaryna naqty tapsyrma berdi.
Erekshe aıta ketetin jaıt, oblys turǵyndary azyq-túlik, janar-jaǵarmaı jáne avtokólikke arnalǵan gaz baǵasyn kóterý faktileri týraly Senim109 qyzmetine habarlaý múmkindigine ıe boldy. Operatorlar 109 qysqa nómiri boıynsha dúkender men janarmaı quıý beketteriniń ataýlary men mekenjaılaryn kórsete otyryp, ótinishterdi qabyldaıdy. Bul oraıda turǵyndar qalalyq jáne uıaly telefondar arqyly qońyraý shala alady. Barlyq shaǵymdar quzyretti qyzmetterge shara qoldaný úshin jiberiledi. О́ńirdegi ahýal, tótenshe jaǵdaı rejimi boıynsha kez kelgen basqa da máseleler boıynsha suraqtar qabyldanatynyn da aıta ketken lázim.
Aqshany joqtatpady, óndiristi toqtatpady
Qazirgi ýaqytta Qaraǵandy oblysynda qolma-qol aqshany bankomattar men bank bólimshelerinen alýǵa bolady. Sondaı-aq Kaspi Bank pen Halyk Bank mobıldi qosymshalary arqyly qolma-qol aqshasyz esep aıyrysýlar júrgiziledi. Bul týrasynda Ulttyq banktiń Qaraǵandy fılıalynyń dırektory Ǵazız Shegenov málim etti.
– Osy demalys kúnderi ekinshi deńgeıli bankter otandyq valıýtamen tolyqtyryldy. Bankomattarǵa qolma-qol aqsha júkteldi. Bankter burynǵy jumys yrǵaǵyna oralady. Kaspi Bank pen Halyk Bank mobıldik qosymshalary jumys istep tur, – dep atap ótti fılıal basshysy.
Sondaı-aq ındýstrıaldy óńirdegi ónerkásiptiń turaqty jumys istep turǵanyn, kásiporyndar boıynsha eshqandaı problemanyń joqtyǵyn aıta ketken jón. Oblystyq ónerkásip basqarmasynyń basshysy Murat Qydyrǵanbekov búginde óńirdiń barlyq ónerkásiptik kásiporyndary qalypty rejimde jumys istep turǵanyn málimdedi.
– Olardyń qyzmetine kúndelikti monıtorıng júrgiziledi. Jalpy, oblys boıynsha shıkizatty, daıyn ónimdi, sondaı-aq jumysshy personaldy tasymaldaý jáne jetkizý boıynsha problemalar baıqalmaıdy. О́nerkásip ónimi kóleminiń josparlanǵan kórsetkishteri qamtamasyz etiledi, – dedi ol.
Jalpy alǵanda, júıe qurýshy iri kompanııalar turaqty jumys isteýde jáne aılyq kórsetkishterdi oryndaýdy josparlap otyr. Sonymen qatar turǵyn úı-kommýnaldyq sharýashylyq jáne energııa kózderiniń jumysynda da problemalar joq degen resmı málimet bar. Mysaly, oblystyq energetıka jáne TKSh basqarmasynyń basshysy Ulantaı Úsenov óńir boıynsha jylytý maýsymynyń turaqty ótip jatqanyn atap ótti.
– Tirshilikti qamtamasyz etýdiń barlyq nysandary shtattyq rejimde jumys istep tur. О́ńirdiń 8 stansasynda 37 qazandyq, onyń 7-eýi rezervte jumys isteıdi, – deıdi basqarma basshysy.
P.S. Al keshe oblys ákimi Jeńis Qasymbek jergilikti ishki ister organdarynyń qyzmetkerlerimen jáne áskerı qyzmetshilermen kezdesip, olarǵa Memleket basshysy atynan kúrdeli kezeńde úılesimdi jumys atqaryp jatqandary úshin alǵys aıtty.
– Búginde sizder qoǵamdyq tártipti saqtaý maqsatynda óte jaýapty mindet atqaryp júrsizder. Sizderdi maqtan etemiz jáne bizdiń azamattarymyz sizderge senedi! – dedi óńir basshysy.
Qaraǵandy oblysy
