Jasyl qurlyqtaǵy dodada otandasymyz brazılııalyq Beatrıs Haddad Maııamen birge jarystyń úshinshi raketkalaryn jeńip, týrnırdiń sensasııasyn tirkedi. Qazaqstandyq-brazılııalyq jup 1 saǵat 5 mınýtqa sozylǵan básekede kanadalyq Gabrıela Dabrovskı men meksıkalyq Djýlıana Olmosty 6:4, 6:2 esebimen utty. Anna men Beatrıs jartylaı fınalǵa shyǵý úshin reseılikter Ekaterına Aleksandrova jáne Natela Dzalamıdzemen sheberlik baıqasady.
Erler arasyndaǵy osy jarysta Andreı Golýbev pen horvatııalyq Franko Skýgor kort ıeleri, aýstralııalyqtar Mett Rıd – Alekseı Popyrınge 3:6, 1:6 esebimen ese jiberdi. Taǵy bir qazaqstandyq Aleksandr Nedovesov pákistandyq Aısam Kýreshımen birge keshe jartylaı fınalǵa shyǵý úshin aýstralııalyq Djon Pırs – slovakııalyq Fılıp Polashekpen synǵa tústi.
О́kinishke qaraı, jekeleı básekede táýir óner kórsetip kele jatqan elimizdiń birinshi, álemniń 13-raketkasy Elena Rybakına jaraqatyna baılanysty jarysty jalǵastyrýdan bas tartty. Ol ekinshi aınalymda fransııalyq Karolın Garsııamen kezdesýge tıis bolatyn.
