Makaron ónimderi áleýmettik mańyzy bar azyq-túlik taýarlarynyń tizbesine enýine baılanysty, turaqtandyrý qorynyń (stabfond) aınalym qarajaty esebinen atalǵan ónimniń baǵasyn turaqtandyrý sharalary júzege asyrylýda. Bul ónimderdi «Gramad» jáne «Magným» iri saýda jelilerinen belgilengen baǵada satyp alý múmkindigi qarastyrylǵan.
Áleýmettik azyq-túlik baǵasynyń turaqtylyǵyn qamtamasyz etý úshin turaqtandyrý qoryna jergilikti bıýdjetten 7,7 mlrd.teńge bólingenin aıtqan shahar basshysy qalada azyq-túlik baǵasyna baqylaý kúsheıtilgenin jáne baǵany shekti mólsherden asyrǵan kásipkerge ákimshilik jaza qoldanylatynyn eskertti.
Makaron fabrıkasy 2009 jyldan beri ónim shyǵarýda. 250 adam turaqty jumyspen qamtylǵan. Jalpy ınvestısııa somasy 3 mlrd.teńgeni quraıdy. Ákimdik fabrıkanyń qurylys kezindegi shyǵyndaryna memlekettik qoldaý kórsetip, syıaqy mólsherlemesin sýbsıdııalaǵan.
Kásiporyn jylyna 36 myń tonna makaron ónimderimen qalany tolyǵymen qamtamasyz etýmen birge Respýblıka aýmaǵy men kórshiles elderge de eksporttaýda.
Aýyl sharýashylyǵy jáne veterınarııa basqarmasy mamandarynyń áleýmettik mańyzy bar azyq-túlik taýalaryna zerdeleý jumystarynyń nátıjesinde, Shymkentte birneshe aıǵa jetetin birinshi qajetti azyq-túlik taýarlar qory jetkilikti, tapshylyq joq.
Qala ákimi aýyl sharýashylyǵy jáne veterınarııa basqarmasynyń basshysy A.Qanybekovke áleýmettik mańyzy bar azyq-túlik taýarlaryn saýdalaıtyn dúken núkteleriniń sanyn kóbeıtý men baǵany turaqtandyrý jumystaryna basymdyq berýdi tapsyrdy.
Sondaı-aq, ákimdik turǵyndardan azyq-túlik baǵasynyń shekti mólsherden asyrylǵanyn baıqasa, 24-75-41 nómirine habarlasýdy suraıdy.
