Qazaqstannyń batystaǵy qaqpasy Oral óńirinde Reseıdiń shekaralas oblystarymen mádenı-rýhanı baılanystar júıeli jolǵa qoıylǵan. Eki el arasynda osylaısha mádenıet pen óner sheńberindegi ıntegrasııalyq qarym-qatynastar jyldan-jylǵa nyǵaıyp keledi. Osyndaı maqsatpen ótken aptada oblys ortalyǵynda Samara qalasynyń Petr Mıloslavov atyndaǵy memlekettik Volga orys halyq hory tamasha konsert berdi.
Halyqtyq qaınarmen sýarylǵan óner týyndysynyń qaı-qaısysy da adamdardyń júregine jaqyn keledi. Ulttyq boıaý men kolorıtke toly shyǵarmalar sezim pernesin dóp basyp tyńdaýshylardyń kóńilderin kókke kóterip, qııaldaryn qııaǵa qalyqtatady. О́ner ataýlynyń kúllisinde shekara degen túsinik múldem bolmaıdy. Bul ár eldegi, ár endiktegi adamdardy jaqyndastyra alatyn taptyrmas tutqa. Samaralyq ónerpazdardyń Oraldaǵy konserti de osy aqıqatty odan ári shegeleı túskendeı áser qaldyrdy. Sahna shymyldyǵy jabylǵan soń Volga orys halyq horynyń kórkemdik jetekshisi, Reseıdiń eńbek sińirgen óner qaıratkeri Vladımır Pohomov gazet tilshisine óz oı-pikirin bylaısha jetkizdi.
– Qazirgi kúni óner ujymdarynda ulttyq qundylyqtarǵa basymdyq berý úrdisi birinshi kezekke shyǵyp otyrǵanyna qýanamyz. Biz de konserttik nómirlerdi osy yńǵaımen irikteýge tyrystyq. O bastaǵy ulttyq tamyry men qadir-qasıetinen aırylǵan týyndylardyń báıgesi alysqa bara almaıdy. Sondyqtan, mádenı baılanystardy udaıy jalǵastyryp kele jatqan Reseı men Qazaqstannyń óner sheberleri ortaq halyqtyq qundylyqtardy kózdiń qarashyǵyndaı saqtap, ony keleshek urpaqqa mura etip qaldyrsa bul shyǵarmalardyń ǵumyry óshpeıdi. Onyń ústine qazir kórshiles eki elde de halyq shyǵarmashylyǵyna degen qyzyǵýshylyq pen múddeliliktiń artyp otyrǵany kóńilge úlken senim týǵyzady. Búgingi eki bólimnen turatyn úlken konsertte de batysqazaqstandyq baýyrlarymyz bizge úlken serpin berdi. Bek rızamyz, kóp rahmet!
Temir QUSAIYN,
«Egemen Qazaqstan».
ORAL.
––––––––––––––
Sýrette: Volga halyq horynyń konsertinen kórinis.
Halyqtyq qaınarmen sýarylǵan óner týyndysynyń qaı-qaısysy da adamdardyń júregine jaqyn keledi. Ulttyq boıaý men kolorıtke toly shyǵarmalar sezim pernesin dóp basyp tyńdaýshylardyń kóńilderin kókke kóterip, qııaldaryn qııaǵa qalyqtatady. О́ner ataýlynyń kúllisinde shekara degen túsinik múldem bolmaıdy. Bul ár eldegi, ár endiktegi adamdardy jaqyndastyra alatyn taptyrmas tutqa. Samaralyq ónerpazdardyń Oraldaǵy konserti de osy aqıqatty odan ári shegeleı túskendeı áser qaldyrdy. Sahna shymyldyǵy jabylǵan soń Volga orys halyq horynyń kórkemdik jetekshisi, Reseıdiń eńbek sińirgen óner qaıratkeri Vladımır Pohomov gazet tilshisine óz oı-pikirin bylaısha jetkizdi.
– Qazirgi kúni óner ujymdarynda ulttyq qundylyqtarǵa basymdyq berý úrdisi birinshi kezekke shyǵyp otyrǵanyna qýanamyz. Biz de konserttik nómirlerdi osy yńǵaımen irikteýge tyrystyq. O bastaǵy ulttyq tamyry men qadir-qasıetinen aırylǵan týyndylardyń báıgesi alysqa bara almaıdy. Sondyqtan, mádenı baılanystardy udaıy jalǵastyryp kele jatqan Reseı men Qazaqstannyń óner sheberleri ortaq halyqtyq qundylyqtardy kózdiń qarashyǵyndaı saqtap, ony keleshek urpaqqa mura etip qaldyrsa bul shyǵarmalardyń ǵumyry óshpeıdi. Onyń ústine qazir kórshiles eki elde de halyq shyǵarmashylyǵyna degen qyzyǵýshylyq pen múddeliliktiń artyp otyrǵany kóńilge úlken senim týǵyzady. Búgingi eki bólimnen turatyn úlken konsertte de batysqazaqstandyq baýyrlarymyz bizge úlken serpin berdi. Bek rızamyz, kóp rahmet!
Temir QUSAIYN,
«Egemen Qazaqstan».
ORAL.
––––––––––––––
Sýrette: Volga halyq horynyń konsertinen kórinis.
