Bul týraly IIM-niń resmı saıty aqparat taratty.
Saıt málimetinshe, ótken táýlikte senim telefondaryna 57 ótinish kelip túsken, onyń ishinde 40 ótinish konsýltatıvtik-anyqtama sıpatynda (kóshi-qon, halyqty qujattandyrý, kólik quraldaryn tirkeý jáne qaıta tirkeý, aıyppul esepteý, saqtandyrý, áleýmettik máseleler, JKO máseleleri, aqyly joldar, HQKO-lardyń jumys isteýi jáne t.b.) jáne 17-si polısııa qyzmetkerleriniń zańsyz áreketine baılanysty.
«Mán-jaıdy anyqtaýdy qajet etetin barlyq ótinish boıynsha tekserýler júrgiziledi (AEK-te 8 ótinish tirkeldi jáne 4-i boıynsha qyzmettik tergeý taǵaıyndaldy) jáne shaǵymdanýshylarǵa tolyq túsinikteme berildi. Mysaly, 15 qańtarda «Ádilet joly» RQB-niń ókili Pshenovten Semeı qalasynda ustalǵan 2001 jyly týǵan O. esimdi azamat týraly bilýdi suraǵan ótinish kelip tústi. О́tinishti tekserý kezinde O. esimdi azamat QR QPK-niń 128 jáne 131-baptary boıynsha QR QK-niń 269-baby 3-bóligi («Ǵımarat pen qurylysqa shabýyl jasaý») jáne 272-baby 2-bóligi («Jappaı tártipsizdik») boıynsha sotaldy tergeý sheńberinde ustalǵany anyqtaldy.
9 qańtarda Semeı qalasynyń soty ustalǵan adamǵa qatysty eki aıǵa kúzetpen ustaý túrindegi bultartpaý sharasyn tańdady. Tekserý nátıjeleri boıynsha O. esimdi azamattyń ornalasqan jeri Pshenovqa habarlandy», delingen habarlamada.
