Eldegi búlik kezinde kóz jumǵan Taraz qalasy polısııa basqarmasynyń 1-bóliminiń ýchaskelik ınspektory, polısııa kapıtany Rahat Slanbekovtiń anasyna Memleket basshysynyń tapsyrmasyna sáıkes oblys ákimi Berdibek Saparbaev II dárejeli «Aıbyn» ordenin tabys etti. Sondaı-aq, batyrdyń otbasyna 3 bólmeli páterdiń kilti tabystaldy.
Oblys ákimi syn saǵatta erlik tanytqan Rahattyń esimi el jadynda máńgi saqtalatynyn atap ótti.
«Memleket basshysy Qasym-Jomart Toqaev el tynyshtyǵyn kúzetý jolynda, qasgóılerge qarsy kúreste opat bolǵan batyrlardy túrli Memlekettik nagradalarmen marapattap, laıyqty qurmet, otbasylaryna qajetti kómekter kórsetýdi tapsyrǵan bolatyn. Búlikshilerdiń qolynan qaza tapqan Rahattyń erligi men órligi óziniń áriptesterine, keıingi jas urpaqqa úlgi-ónege. Ol qyzmettik mindetin abyroıly, adal atqara otyryp, óziniń naǵyz patrıot, eljandy er azamat ekenin dáleldep ketti. Eldiń amandyǵy, beıbit turǵyndardyń tynyshtyǵy jolynda ózin qurban etti. Rahat sekildi batyr ulandardyń esimin eli eshqashan umytpaıdy», dedi Berdibek Saparbaev.
О́z kezeginde Rahattyń anasy Ulbosyn Japarova Otan úshin opat bolǵan ulynyń qazasyna kóptiń ortaqtasqanyna, erligi eskerýsiz qalmaı, Memlekettik nagradamen marapattalǵanyna yqylasyn bildirip, eldiń amandyǵyn tiledi.
