12 qańtarda Almatyǵa sý jańa 10 reanımobıl syıǵa berildi. Tártipsizdikterdiń saldarynan birneshe jedel járdem kóliginiń joıylǵanyn eskersek, bul kólikter qalaǵa óte qajet. Zamanaýı reanımobılder barlyq qajetti medısınalyq quraldarmen jabdyqtalǵan, atap aıtqanda, defıbrıllıatorlar, júrek qaǵysyn tekseretin tolyq júıe, pýlsoksımetrler, tasymaldaýǵa qolaıly tynys alý apparattary, ottegi ballondary. Sondaı-aq atalǵan bank Ulttyq kitaphana men memlekettik ortalyq murajaı ǵımaratyn kúrdeli jóndeý júrgizbek.
«Almaty qıyn kezeńdi basynan ótkizip jatyr. Qazirgi ýaqytta basty ortaq maqsatymyz – týǵan qalamyzdyń burynǵy kelbetin qaıtarý. Biz osy bir mańyzdy iske óz úlesimizdi qosqymyz keledi. Almaty ákimdigine aldyńǵy qatarly medısınalyq quraldarmen jabdyqtalǵan 10 jedel járdem kóligin tabystaımyz. Sondaı-aq Ulttyq kitaphana men Ortalyq memlekettik murajaıdy óz kúshimizben qaıta qalpyna keltiremiz dep sheshtik. Birige jumylsaq, qıraǵan nysandardy jyldam qalpyna keltirip qana qoımaı, burynǵydan da kúshtirek bolamyz degen senimdemin», dedi «Sberbank» AQ EB basqarma tóraǵasy Eldar Teńizbaev.
Búginde Sberbanktiń bólimsheleri men bankomattary elimizdiń barlyq aımaǵynda shtattyq tártipte jumys isteıdi. Nesıeleýdi qosqanda, klıentterge barlyq qyzmet qoljetimdi.
ALMATY
