Jumys kestesi – saǵat 9.00-den 18.00-ge deıin (dúısenbi-juma aralyǵynda).
Ázirge Almaty qalasy, Almaty jáne Jambyl oblystarynyń avtoHQO-lary ǵana ashylmaıdy. Atalǵan óńirlerde avtoqyzmetterdiń qaıta kórsetile bastaǵany týraly aqparat qosymsha habarlanatyn bolady.
«Avtoqyzmetter – suranysqa ıe memlekettik qyzmetterdiń biri. Qazir mamandandyrylǵan HQKO-lar qaıta iske qosylady, biz klıentterdiń onda kóptep keletinin boljap otyrmyz. Sondyqtan bul jaǵdaıǵa túsinistikpen qaraýlaryńyzdy suraımyn. Sondaı-aq avtokólikti Kaspi jáne Halyk Homebank bank qosymshalary arqyly qaıta resimdeýge bolatynyn eske salamyn. AvtoHQKO-larda kezek týdyrmaý úshin osy servısterdi paıdalanýǵa keńes beremin» dedi «Azamattarǵa arnalǵan úkimet» memlekettik korporasııasynyń basqarma tóraǵasy Ádil Qojyqov.
Mamandandyrylǵan HQKO ǵımaratyna kirý Ashyq qosymshasy arqyly júzege asyrylady. Epıdemııalyq jaǵdaıǵa baılanysty klıentter sanıtarlyq qaýipsizdik erejelerin saqtaýǵa tıis – áleýmettik qashyqtyqty saqtap, betperde taǵýy kerek.
