37 jastaǵy Rıo-de-Janeıronyń týmasy sporttyq karerasyn óz otanynda bastady. Ásirese onyń «Palmeıras» pen «Flamengoda» oınaǵan kezderi jankúıerlerdiń jadynda. 2004-2008 jyldary Lav Máskeýdiń SSKA klýbynyń sapynda jasyndaı jarqyldady. Keıinnen Qytaı, Fransııa, Túrkııa jáne Brazılııada óner kórsetti. San márte sol chempıonattarda topyrlatyp gol soǵyp, eń úzdik surmergenge tıesili arnaıy syılyqtardy ıelendi. 2020-2021 jyldary «Qaırattyń» jeıdesin kıdi. Osy oraıda 30 ret alańǵa shyǵyp, 14 ret nysanany dál kózdedi. 2020 jyly Qazaqstan chempıony bolýmen qatar, el birinshiliginiń eń úzdik fýtbolshysy dep tanyldy. О́z eliniń ulttyq qurama komandasy sapynda 20 ret jasyl alańǵa shyǵyp, 4 goldyń avtory atandy.
Endi Vagner Lav Danııa chempıonatynda Hernıngtiń «Mıdtıýlland» klýbynyń namysyn qorǵaıdy. Bul komanda qazirgi kezde jarys kestesinde jeke-dara kósh bastap tur. Sondaı-aq olar bıyl óz tarıhynda alǵash ret Chempıondar lıgasynyń toptyq kezeńine joldama alyp otyr.
