«Avtobýs» aksııasy ótti

Oblystyq ishki ister depar­tamentiniń ákimshilik polısııasy basqarmasy qoǵamdyq kólikterdiń qatysýymen bolatyn jol-kólik oqıǵalarynyń aldyn alý maq­satynda ústimizdegi jylǵy 12-14 naý­ryz aralyǵynda aımaq aýmaǵynda «Avtobýs» shuǵyl aldyn alý sharalaryn júrgizdi. Bul sharanyń maq­saty jol qozǵalysy qaýipsizdigin qamtamasyz etý jáne jolaýshylar kóligi apatynyń aldyn alý bolyp tabylady. Jyl basynan beri jol-patrýldik polısııa bólimsheleri avtobýs júrgizýshilerdiń 191 jol qozǵalysy erejelerin buzý derek­terin anyqtady. Onyń bireýinde avtobýs júrgizýshiniń mas kúıinde rólge otyrǵany belgili boldy. Sondaı-aq, osy merzimde avtobýs júr­­­gizýshiler jasaǵan 4 jol-kólik oqı­ǵasynyń saldarynan bir adam kaza ta­ýyp, úsh adam jaraqat alǵan. Shuǵyl aldyn alý sharalaryn ótkizý barysynda jolaýshy­lar men júkterdi turaqty nemese aragidik tasymaldaýǵa ruq­sat qujattarynyń bolýyna, avtobýs­tardyń jaraq­ty­lyǵyna jáne júrgizýshilerdiń reıske shyǵar aldynda medısınalyq jáne tehnı­kalyq tekserýlerden ótken-ótpe­gendigine basa nazar aýdaryldy. Jol qozǵalysy erejelerin buzǵan avtobýs júrgizýshileriniń budan bylaı jolaýshylar tasymaldaýǵa jiberilý-jiberilmeýi tıisti oryndarda qaralatyn bolady. Satybaldy SÁÝIRBAI,  «Egemen Qazaqstan».