Taǵdyrdyń san taraý jolynda tosynnan kezdesip, týystaı jaqyn, aǵaıyndaı etene bolyp ketetin adamdar bolady. Kókshetaýdan kóship kelgende Talǵardan jolyqtyrǵan, sońǵy shırek ǵasyrda aralas-quralas júrgen abzaldardyń biri – Otan Dosbalaev aǵamyz edi. Átteń, ótken jyldyń naýryzynda, alpystyń segizinen attar tusynda kóz jazyp, ókinishte qaldyq.
Balýan deneli, batyr tulǵaly, er minezdi, daladaı darqan kóńildi Otan otaǵasy jaqsylyqqa jany qushtar, rııasyz jan bolatyn. Sheshemiz qaıtys bolǵanda áli tanysyp-bilispeı jatyp-aq qol ushyn sozǵan qamqorshyldyǵyn men de áste umytpaq emespin.
Bizdiń kóshede toılar da jıi bolyp turady. Sondaıda kórshi-kólemniń kózge túser kórnektisi, aldymen sóz berer qurmettisi de osy Otan aǵa-tyn. Iá, aǵamyz oıy da, boıy da kelisken jigittiń soıynan edi desek, sol durys. Sonaý 60-jyldardaǵy JenPI-diń tárbıe-tálimin alǵan Názıpa jeńgemizdiń de jarqyldap jarqyn kúlýden jazǵanyn kórgen emespiz. Jarasty juptardyń úıinen qoıyn qurttap, aıranyn urttaǵan qut-bereke de úzilmedi.
Keıin jata-jastana bildik qoı. Otan aǵa kıeli Otyrardyń týmasy eken. Almatydan joǵary bilimdi zootehnık mamandyǵyn alǵannan keıin qasıetti Túrkistanda, birqatar kolhoz-sovhozdarda abyroıly eńbek etken. Odan 1984 jyly asqar Alataý etegindegi Talǵar shaharyna qonys aýdaryp, osyndaǵy ataqty mal bordaqylaý sharýashylyǵynda tabany kúrekteı 15 jyl aǵa zootehnık boldy.
Kýrstas dosym, «Habar» arnasyndaǵy tanymal telejýrnalıst Tileýqabyl Myńjasaruly Otan aǵamen kórshi ekenimdi estı sala kózi kúlimdep, ol kisi jaıly ádemi bir áńgimelerdiń tıegin aǵytty dersiz. Dereý aǵaǵa sálem berýge asyqty. Ol da Túrkistannyń týmasy ǵoı. Otan aǵa, Názıpa jeńgeı ózimizdiń áıgili syqaqshy Kópen Ámirbek, bilgir ádebıetshi Qulbek Ergóbekterdi de jaqsy biletin bolyp shyqty. Aıtaıyn degenim, Otan aǵa boıy ǵana emes, oı-órisi, parasaty, mádenıeti de bıik tulǵa edi.
«Jigitti joldasyna qarap tany» deıdi ǵoı dana halqymyz. Otan aǵanyń úzeńgiles dos-joldastary aıtýly azamattar. Atap aıtsaq, olardyń qatarynda Parlament Májilisiniń depýtaty Shalataı Myrzahmetov, senator Qýanysh Aıtahanovtar da bar.
Ana bir jyldary Asanáli Áshimov Túrkistannyń kóshesinde Otan aǵany kezdeısoq ushyratyp qalyp: «Mynaý bir tulǵasy kelisken, kınoǵa túsirgendeı jigit eken-aý!» dep qyzyǵa tanysqan eken. Sol tanystyqtyń aıaǵy dostyqqa ulasady.
Mine, bizdiń Otan aǵamyz osyndaı jalpaq jurtqa jaqsylyǵy tanylǵan jaısań jan edi. Joldas-joralarynyń balalary «Bizdiń Otanymyz – Qazaqstan» degen qaǵıdaly támsildi negizge alyp, ol kisini «Qazaqstan aǵa» dep atap ketkeni jáne bar. О́zi ótse de, ómirde ónegeli órnegi, izgilikti izi qaldy. Perzentteriniń bári qoǵamda ketigin taýyp, bir-bir kirpish bolyp qalanǵan. Názıpa jeńgemiz Otan dep oıanyp, Otan dep bas qoıady uıqyǵa. Duǵasynan qaldyrmaıdy. Otan aǵanyń jarqyn beınesin Talǵardaǵy bizdiń kósheniń adamdary da únemi jadyraı eske alyp júredi.
Qorǵanbek AMANJOL,
«Egemen Qazaqstan».
ALMATY.
Taǵdyrdyń san taraý jolynda tosynnan kezdesip, týystaı jaqyn, aǵaıyndaı etene bolyp ketetin adamdar bolady. Kókshetaýdan kóship kelgende Talǵardan jolyqtyrǵan, sońǵy shırek ǵasyrda aralas-quralas júrgen abzaldardyń biri – Otan Dosbalaev aǵamyz edi. Átteń, ótken jyldyń naýryzynda, alpystyń segizinen attar tusynda kóz jazyp, ókinishte qaldyq.
Balýan deneli, batyr tulǵaly, er minezdi, daladaı darqan kóńildi Otan otaǵasy jaqsylyqqa jany qushtar, rııasyz jan bolatyn. Sheshemiz qaıtys bolǵanda áli tanysyp-bilispeı jatyp-aq qol ushyn sozǵan qamqorshyldyǵyn men de áste umytpaq emespin.
Bizdiń kóshede toılar da jıi bolyp turady. Sondaıda kórshi-kólemniń kózge túser kórnektisi, aldymen sóz berer qurmettisi de osy Otan aǵa-tyn. Iá, aǵamyz oıy da, boıy da kelisken jigittiń soıynan edi desek, sol durys. Sonaý 60-jyldardaǵy JenPI-diń tárbıe-tálimin alǵan Názıpa jeńgemizdiń de jarqyldap jarqyn kúlýden jazǵanyn kórgen emespiz. Jarasty juptardyń úıinen qoıyn qurttap, aıranyn urttaǵan qut-bereke de úzilmedi.
Keıin jata-jastana bildik qoı. Otan aǵa kıeli Otyrardyń týmasy eken. Almatydan joǵary bilimdi zootehnık mamandyǵyn alǵannan keıin qasıetti Túrkistanda, birqatar kolhoz-sovhozdarda abyroıly eńbek etken. Odan 1984 jyly asqar Alataý etegindegi Talǵar shaharyna qonys aýdaryp, osyndaǵy ataqty mal bordaqylaý sharýashylyǵynda tabany kúrekteı 15 jyl aǵa zootehnık boldy.
Kýrstas dosym, «Habar» arnasyndaǵy tanymal telejýrnalıst Tileýqabyl Myńjasaruly Otan aǵamen kórshi ekenimdi estı sala kózi kúlimdep, ol kisi jaıly ádemi bir áńgimelerdiń tıegin aǵytty dersiz. Dereý aǵaǵa sálem berýge asyqty. Ol da Túrkistannyń týmasy ǵoı. Otan aǵa, Názıpa jeńgeı ózimizdiń áıgili syqaqshy Kópen Ámirbek, bilgir ádebıetshi Qulbek Ergóbekterdi de jaqsy biletin bolyp shyqty. Aıtaıyn degenim, Otan aǵa boıy ǵana emes, oı-órisi, parasaty, mádenıeti de bıik tulǵa edi.
«Jigitti joldasyna qarap tany» deıdi ǵoı dana halqymyz. Otan aǵanyń úzeńgiles dos-joldastary aıtýly azamattar. Atap aıtsaq, olardyń qatarynda Parlament Májilisiniń depýtaty Shalataı Myrzahmetov, senator Qýanysh Aıtahanovtar da bar.
Ana bir jyldary Asanáli Áshimov Túrkistannyń kóshesinde Otan aǵany kezdeısoq ushyratyp qalyp: «Mynaý bir tulǵasy kelisken, kınoǵa túsirgendeı jigit eken-aý!» dep qyzyǵa tanysqan eken. Sol tanystyqtyń aıaǵy dostyqqa ulasady.
Mine, bizdiń Otan aǵamyz osyndaı jalpaq jurtqa jaqsylyǵy tanylǵan jaısań jan edi. Joldas-joralarynyń balalary «Bizdiń Otanymyz – Qazaqstan» degen qaǵıdaly támsildi negizge alyp, ol kisini «Qazaqstan aǵa» dep atap ketkeni jáne bar. О́zi ótse de, ómirde ónegeli órnegi, izgilikti izi qaldy. Perzentteriniń bári qoǵamda ketigin taýyp, bir-bir kirpish bolyp qalanǵan. Názıpa jeńgemiz Otan dep oıanyp, Otan dep bas qoıady uıqyǵa. Duǵasynan qaldyrmaıdy. Otan aǵanyń jarqyn beınesin Talǵardaǵy bizdiń kósheniń adamdary da únemi jadyraı eske alyp júredi.
Qorǵanbek AMANJOL,
«Egemen Qazaqstan».
ALMATY.
Sońǵy jańalyqtar
Astanada mektep aýmaǵynda janjaldasqandar jaýapkershilikke tartyldy
Zań men Tártip • Keshe
Boksshy Nurbek Oralbaı jańa salmaq dárejesine aýysty
Boks • Keshe
Taekvondodan álem chempıonaty: Qazaq qyzy top jardy
Sport • Keshe
Qus sańǵyryǵynan «jasyl» energııa óndirildi
Sharýashylyq • Keshe
Almatyda turǵyn úı órtinen tórt adam qutqaryldy
Oqıǵa • Keshe
