Infeksııalyq ortalyqtarda júkti áıelderdi qabyldaıtyn jáne KVI bar balalarǵa arnalǵan korpýstar bar. Qoǵamdyq densaýlyq saqtaý basqarmasynyń málimetinshe, bolashaq analar men balalar arasynda koronavırýs ınfeksııasy jıi kezdesedi, kishkentaılar da, jasóspirimder de.
Búgingi kúni qala boıynsha 345 áıel stasıonarlyq emdelýde, onyń ishinde jaqynda bosanǵan áıelder de bar. Balalar arasynda ár túrli jastaǵy 188 bala stasıonarlyq em alady.
Jalpy ashylǵan tósekterdiń 866-sy bos, onyń ishinde 74-i – reanımasııalyq tósek. Reanımasııadaǵy pasıentter sany da 59 pasıentke deıin ósti, onyń ishinde О́JJ-da – 14 adam.
«Biz epıdemıologııalyq jaǵdaı kún saıyn nasharlaı túsetinin kórip otyrmyz. Barlyq densaýlyq saqtaý qyzmetteri kúsheıtilgen rejımde jumys istep jatyr, súzgi kabınetteri men emhanalar janyndaǵy mobıldi brıgadalar ambýlatorııalyq pasıentterge táýlik boıy qyzmet kórsetýge kóshti. Munyń bári ınfeksııanyń qaýpi ótpegendiginiń aıqyn kórinisi, biraq qandaı da bir sebeptermen barlyq turǵyndar mundaı qıyn jaǵdaıdy nazarǵa alǵysy kelmeıdi. Biz epıdemıologııalyq talaptardy saqtaýdy suraımyz jáne áli de vaksınasııalaýǵa shaqyramyz. Kovıdtiń aldyn alý úshin vaksınasııalanǵan jaqsy», dedi Qoǵamdyq densaýlyq saqtaý basqarmasy.
Elordada turǵyndardyń 72%-dan astamy vaksınasııalandy, 27 800-den astam adam qaıta vaksınasııalanǵan.
