Pavlodar oblysy PD baspasóz qyzmetiniń habarlaýynsha, 18 qańtarda Omby-Maıqapshaǵaı avtojolynyń 505 shaqyrymynda, Aqqýly aýdany Áıteı men Shabar aýyldary arasynda Volkswagen jáne Lada Niva avtomobılderi soqtyǵysty.
«Jol-kólik oqıǵasy saldarynan Volkswagen avtokóliginiń 51 jastaǵy júrgizýshisi men 1964 jyly týǵan jolaýshy oqıǵa ornynda kóz jumdy. Lada Niva avtokóliginiń 31 jastaǵy júrgizýshisi men 24 jastaǵy jolaýshysy túrli jaraqattarmen aýrýhanaǵa jetkizildi», delingen PD habarlamasynda.
Polısııa avtokólikter arnaıy aıyp turaǵyna alynyp, tekserý júrgizilip jatqandyǵyn atap ótti.
