О́skemendegi «Zerek» ortalyǵynda san túrli úıirmeler bar. Solardyń ishinen kózge erekshe túskeni osy, 3D modeldeý. Buryn-sońdy qolǵa alynbaǵan tyń jobanyń jetekshisi – Jannur Baqytqyzy. Ereksheligi sol, ekranda jasaǵan detaldi 3D prıntermen kádimgi músin etip shyǵarýǵa bolady. Tipti kóliktiń dúkenderden tabyla bermeıtin plastmass tetigin de dáldep turyp jasap alǵan eken.
– O basta kıimniń 3D modelin jasaı bastaǵanmyn. Keıin «Zerek» ortalyǵyna jumysqa ornalasyp, «sheber qol» úıirmesin ótkizip júrdim. Kóp ýaqyt ótpeı 3D modeldeý úıirmesi ashylatyn bolyp, men arnaıy kýrstan óttim. Arnaıy kabınet ashylyp, zamanaýı qural-jabdyqtar ornatyldy. Qazir oqýshylar qyzyǵa qatysyp júr. Eger nıet bolsa, anımasııa jasaýdy úırený qıyn emes. Qazir balalarmen jeke-jeke jobalar jasap jatyrmyz. Aldaǵy ýaqyttarda mýltfılm keıipkerlerin jasaýdy qolǵa alamyz , – deıdi 3D model jasaýdyń mamany Jannur Baqytqyzy.
Qazirgi ýaqytta atalǵan úıirmede qazaqtyń salt-dástúrlerine negizdelgen oıyn qurastyryp jatyr. Al ekinshi joba, ǵımarattyń ishki kórinisin 3D formatta jasaýdy bastaǵan. Iаǵnı «Zerek» ortalyǵyn onlaın túrde aralap shyǵýǵa bolady. Jannur Baqytqyzynyń aıtýynsha, oqýshylar ábden daǵdylanǵan soń qala ishin de jasaýǵa bolady. Iá, qazirgi balalardyń qabyldaýy tez, oılary ushqyr. Balalardyń gadjet, planshetke áýestiginiń bir paıdasy osy, tehnıka jaǵyna ıkemin arttyrady.
– Men kompıýtermen ártúrli ańdardy jasaýdy úırenip júrmin. Olardy júgirtemin, sekirtemin. Maǵan unaıdy. О́skende mýltfılm jasaımyn, – deıdi Bekzat Tileýhan esimdi oqýshy.
Qandaı qýanysh deseńizshi. Eldiń erteńi osylar emes pe?! Osylarǵa qarap, tehnıkalyq mamandary damyǵan elge aınalarymyz anyq ekenin uqtym.
О́SKEMEN
