«Almatyda tótenshe jaǵdaı rejımi men komendanttyq saǵat 19 qańtarda saǵat 00:00-den aıaqtalǵannan keıin Almaty halyqaralyq áýejaıy shtattyq rejımde jumys isteıdi», dep habarlady áýe aılaǵynyń baspasóz qyzmeti.
Almaty halyqaralyq áýejaıy 13 qańtardan bastap óz qyzmetin qaıta bastady. Qalada komendanttyq saǵattyń engizilýine baılanysty áýejaı jumysy 08:00-den 21:00-ge deıin júzege asyryldy. Ishki jáne halyqaralyq reıster oryndaldy. Qaýipsizdikti qamtamasyz etý maqsatynda termınalǵa tek jolaýshylarǵa ǵana ruqsat etilgen.
Eske sala ketsek, 5 qańtarda Almaty áýejaıyna shabýyl jasaldy. Áýe aılaǵy men bes ushaqtyń basyp alynǵany týraly prezıdent Qasym-Jomart Toqaev málimdedi. Keıin áýejaı bosatylǵany belgili boldy.
