Qazaqtyń dalasy ulan-ǵaıyr, jerasty baılyǵy da mol. Bul – búgingi táýelsiz el urpaǵyna batyr babalardan qalǵan eń úlken mura. Sol baı murany kózdiń qarashyǵyndaı saqtap, urpaqtan-urpaqqa jalǵastyrý úshin Táýelsiz Qazaqstannyń Tuńǵysh Prezıdenti Nursultan Nazarbaev «Máńgilik El» ıdeıasyn usyndy. Elimizdiń ár óńirinde keń qoldaý tapqan dál osy ıdeıa munaıly Atyraý jurtshylyǵyn da bir múddege toǵystyryp otyr.
Keshe H.Dosmuhamedov atyndaǵy Atyraý memlekettik ýnıversıtetinde Qazaqstan halqy Assambleıasynyń bastamasymen «Máńgilik El» patrıottyq aksııasy ótti. О́ńirdegi ózge ult ókilderi men el erteńine balanar jastardy yntymaqqa uıystyrǵan aksııany oblys ákimi B.Izmuhambetov ashyp, Elbasy N.Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýyndaǵy «Máńgilik El» ıdeıasynyń mańyzyn tarqatyp berdi.
– Osynaý Uly dalany meken etken adamzat balasynyń tuńǵysh paıǵambary Ahýra – Mazdadan nur alǵan Zaratýshtra mynadaı úsh qaǵıda qoıypty: birinshi – izgi oı oıla, ekinshi – izgi sóz sóıle, úshinshi – izgi is tyndyr. Sol Zaratýshtradan bergi kúlli paıǵambarlar joǵarydaǵy úsh baılamǵa toqtaǵan eken. О́ziniń elin el etkisi kelgen, óziniń aspanyn bıiktetkisi kelgen bizdiń Elbasynyń da armany osy úsh qaǵıdamen astasyp jatyr. Bizde Máńgilik El bolýdyń barlyq alǵysharttary daıyn. Biz izgi oı oılap, izgi sóz sóıleý arqyly qanshama izgilikti is tyndyryp kelemiz. Sonyń jarqyn mysaldarynyń biri – Qazaq eliniń, Máńgilik Eldiń máńgi Astanasy! –degen oıymen bólisken jas daryn, Qazaqstan Jazýshylar odaǵy tóraǵasynyń orynbasary Maraltaı Raıymbekuly óziniń elordaǵa arnaǵan óleńin oqyp, aksııaǵa qatysqan jastardy qanattandyrdy.
Belgili qalamger, Qazaqstannyń eńbek sińirgen qaıratkeri Rahymjan Otarbaev «Máńgilik El» ıdeıasy – bizdi alǵa bastar shamshyraǵymyz. Bul – bizdiń memlekettiń ulttyq ıdeıasy. Batyr babalarymyzdan qalǵan saıyn dalany qorǵaý, ár qazaqtyń boıtumaryndaı táýelsizdigimizdi saqtaý ońaı emes. Qazaqtyń osynaý ulan-ǵaıyr dalasyn aq naızanyń ushymen, aq bilektiń kúshimen qorǵaǵan Qabanbaı men Bógenbaı, Qarasaı sekildi batyr babalarymyz Máńgilik El bolýdy kóksedi.
«Men – qazaqpyn, bıikpin, baıtaq elmin, Qaıta týdym, ómirge qaıta keldim. Myń da bir tirildim máńgi ólmeske – Aıta bergim keledi, aıta bergim», dep jyrlaǵan aqyn Juban Moldaǵalıevtiń júrek túkpirinde de Máńgilik El bolýdyń ıdeıasy jatyr. Mine, eldiń derbestigi men máńgiligin oılaǵan babalardan búgingi urpaqqa jetken amanatty – Qazaq elin Tuńǵysh Prezıdentimiz Nursultan Nazarbaev álemge tanytty. Qýatty elge aınaldyrdy. Qazaq eliniń aldaǵy maqsat-muraty bıik, al muraty bıik, ulttyq, mádenı qundylyqtary saqtalǵan el ǵana Máńgilik El bola alady», dedi.
О́z Otanyn súıetin, óz Otanyna adal qyzmet etýdi maqsat etken atyraýlyq patrıot jastardy bir maqsatqa, bir múddege, bir bolashaqqa biriktirgen aksııa barysynda Aıgúl Qosanova, Erbolat Qudaıbergenov jáne ózge de elimizge tanymal jas ánshiler patrıottyq ánderdi shyrqady. Aksııada ózge ulttyń ókilderi de jastardy otansúıgishtikke shaqyrdy. Sonyń biri – Artem Terbýshov: «Bizdi, Qazaqstannyń kópultty halqyn Nursultan Nazarbaevtyń táýelsiz elimizdi qýatty memleketke aınaldyrýdaǵy eren eńbegi ishki turaqtylyq pen ekonomıkalyq bir maqsatqa, bir múddege, bir bolashaqqa biriktiredi. Osynyń bári Máńgilik El bolýdyń negizgi alǵysharttary», degen pikirimen bólisti.
Joldasbek ShО́PEǴUL,
«Egemen Qazaqstan».
Atyraý oblysy.
Sýretterdi túsirgen Ánýar ÁBILǴAZIEV.
– Osynaý Uly dalany meken etken adamzat balasynyń tuńǵysh paıǵambary Ahýra – Mazdadan nur alǵan Zaratýshtra mynadaı úsh qaǵıda qoıypty: birinshi – izgi oı oıla, ekinshi – izgi sóz sóıle, úshinshi – izgi is tyndyr. Sol Zaratýshtradan bergi kúlli paıǵambarlar joǵarydaǵy úsh baılamǵa toqtaǵan eken. О́ziniń elin el etkisi kelgen, óziniń aspanyn bıiktetkisi kelgen bizdiń Elbasynyń da armany osy úsh qaǵıdamen astasyp jatyr. Bizde Máńgilik El bolýdyń barlyq alǵysharttary daıyn. Biz izgi oı oılap, izgi sóz sóıleý arqyly qanshama izgilikti is tyndyryp kelemiz. Sonyń jarqyn mysaldarynyń biri – Qazaq eliniń, Máńgilik Eldiń máńgi Astanasy! –degen oıymen bólisken jas daryn, Qazaqstan Jazýshylar odaǵy tóraǵasynyń orynbasary Maraltaı Raıymbekuly óziniń elordaǵa arnaǵan óleńin oqyp, aksııaǵa qatysqan jastardy qanattandyrdy.
Belgili qalamger, Qazaqstannyń eńbek sińirgen qaıratkeri Rahymjan Otarbaev «Máńgilik El» ıdeıasy – bizdi alǵa bastar shamshyraǵymyz. Bul – bizdiń memlekettiń ulttyq ıdeıasy. Batyr babalarymyzdan qalǵan saıyn dalany qorǵaý, ár qazaqtyń boıtumaryndaı táýelsizdigimizdi saqtaý ońaı emes. Qazaqtyń osynaý ulan-ǵaıyr dalasyn aq naızanyń ushymen, aq bilektiń kúshimen qorǵaǵan Qabanbaı men Bógenbaı, Qarasaı sekildi batyr babalarymyz Máńgilik El bolýdy kóksedi.
«Men – qazaqpyn, bıikpin, baıtaq elmin, Qaıta týdym, ómirge qaıta keldim. Myń da bir tirildim máńgi ólmeske – Aıta bergim keledi, aıta bergim», dep jyrlaǵan aqyn Juban Moldaǵalıevtiń júrek túkpirinde de Máńgilik El bolýdyń ıdeıasy jatyr. Mine, eldiń derbestigi men máńgiligin oılaǵan babalardan búgingi urpaqqa jetken amanatty – Qazaq elin Tuńǵysh Prezıdentimiz Nursultan Nazarbaev álemge tanytty. Qýatty elge aınaldyrdy. Qazaq eliniń aldaǵy maqsat-muraty bıik, al muraty bıik, ulttyq, mádenı qundylyqtary saqtalǵan el ǵana Máńgilik El bola alady», dedi.
О́z Otanyn súıetin, óz Otanyna adal qyzmet etýdi maqsat etken atyraýlyq patrıot jastardy bir maqsatqa, bir múddege, bir bolashaqqa biriktirgen aksııa barysynda Aıgúl Qosanova, Erbolat Qudaıbergenov jáne ózge de elimizge tanymal jas ánshiler patrıottyq ánderdi shyrqady. Aksııada ózge ulttyń ókilderi de jastardy otansúıgishtikke shaqyrdy. Sonyń biri – Artem Terbýshov: «Bizdi, Qazaqstannyń kópultty halqyn Nursultan Nazarbaevtyń táýelsiz elimizdi qýatty memleketke aınaldyrýdaǵy eren eńbegi ishki turaqtylyq pen ekonomıkalyq bir maqsatqa, bir múddege, bir bolashaqqa biriktiredi. Osynyń bári Máńgilik El bolýdyń negizgi alǵysharttary», degen pikirimen bólisti.
Joldasbek ShО́PEǴUL,
«Egemen Qazaqstan».
Atyraý oblysy.
Sýretterdi túsirgen Ánýar ÁBILǴAZIEV.
