Polısııa qyzmetkerleri kúdiktini Uly Dala dańǵylyndaǵy jaldamaly páterlerdiń birinde ustady. Tintý barysynda Almaty qalasyndaǵy «Belyı veter» dúkeninen urlanǵan «NR» markaly noýtbýk, «Iphone 11», «Iphone 6» markaly uıaly telefondar tabylyp, tárkilendi.
Kúdiktiniń 4 qańtarda Almaty qalasyndaǵy kompıýterlik klýbta jumys ornynda bolǵany anyqtaldy. Jaqyn jerde «Belyı veter» dúkenine shabýyl jasalǵanyn bilgen ol qoımaǵa baryp, tórt dana «Iphone 11» jáne «Iphone 13» markaly uıaly telefondaryn jáne «NR» markaly eki noýtbýkty urlap ketken. Urlyq jasalǵannan keıin kelesi kúni jas jigit Almatydan elordaǵa bet aldy.
Bul fakti boıynsha qylmystyq is qozǵaldy. Kúdikti DP ÝUI-ǵa qamaýǵa alyndy.
Jedel is-sharalardy ótkizý kezinde urydan «Iphone 13» uıaly telefonyn satyp alǵan adam anyqtaldy. Telefon tárkilendi.
Polısııa departamenti azamattardy qundy zattar men tehnıkany satý týraly kúdikti usynystardan saq bolýdy eskertedi.
«Taýarlardy satyp alǵan kezde qyraǵylyq tanytyp, satýshydan chek nemese kepildik talonyn surańyz, kúdik týyndaǵan jaǵdaıda polısııaǵa habarlańyz. Esterińizge sala keteıik, Qylmystyq jolmen tabylǵan múlikti satyp alý nemese satý qylmystyq jaýapkershilikke ákep soǵady», dep tolyqtyrdy PD.
