B. Ámireev IYU Bas Hatshysy laýazymyna taǵaıyndalýyna baılanysty Hısseın Brahıma Tahaǵa óziniń shynaıy quttyqtaýyn jáne Islam áleminiń osy asa joǵary dıplomatııalyq mansabyndaǵy jumysyna zor tabys tiledi.
IYU Bas Hatshysy TMU Bas Hatshysyna iltıpatyn bildirip, onyń IYU shtab-páterine osy sapary eki baýyrlas uıym arasyndaǵy qarym-qatynasty odan ári nyǵaıtýǵa yqpal etetinine senim bildirdi.
Hısseın Brahım Taha men Baǵdad Ámireev óz uıymdarynyń qazirgi kún tártibi týraly pikir almasyp,Islam álemindegi beıbitshilikti, turaqtylyqty jáne damýdy nyǵaıtý maqsatynda keńeıtilgen seriktestik ornata alatynyn atap ótti.
Túrki Memleketteriniń Uıymynyń barlyq músheleri bir mezgilde Islam Yntymaqtastyq Uıymynyń da belsendi músheleri bolyp tabylatynyn nazarǵa ala otyryp, H. I. Taha men B. Ámireev eki uıymnyń keń aýqymdy yqpaldastyq ornata otyryp, Eýrazııa qurlyǵynda, Islam áleminde, Eýropada, ásirese, Ortalyq Azııa men Kavkazda aımaqtarynda halyqaralyq yntymaqtastyqty damytýǵa birlesip at salysa alatynyn atap ótti.
TMU jáne IYU basshylary eki uıym arasyndaǵy yntymaqtastyqtyń deńgeıin arttyrý qajettigin atap ótip, ózara qatynastardyń quqyqtyq bazasyn nyǵaıtý jóninde sharalar qabyldaýǵa ýaǵdalasty.
Sondaı-aq, taraptar ózara qyzyǵýshylyq týdyratyn birqatar halyqaralyq, ıslamdyq jáne óńirlik máseleler boıynsha pikir almasty.
