Budan buryn jazǵanymyzdaı, qarashanyń ortasynan jeltoqsannyń aıaǵyna deıin indetke shaldyqqan adamdar sany birshama azaıǵan. Infeksııalyq aýrýhanadaǵy tósektik orynnyń 17%-y ǵana qamtyldy. Alaıda mamandar 10 qańtardan bastap syrqattanýshylar sanynyń kúrt óskenin baıqap otyr. О́tken aptada aýrýhanaǵa túsýshiler sany 160-tan 221-ge kóbeıgen. Sonyń ishinde 11 adamnyń hali óte aýyr.
Keıingi aptada naýqas jandardyń sany aldyńǵy aptadan 2 ese, ıaǵnı 167-den 341-ge artqan. Aýdandar arasynda Aıyrtaý aýdanyndaǵy ahýal tipti kúrdeli, osy kezeńde onda aýrý juqtyrǵandar sany 7 ese artty. Oblystaǵy naýqastardyń jas shamalaryna qarasaq, aýyrǵandardyń arasynda 60 jastan asqandar – 20%, 50-59 jas aralyǵyndaǵylar – 17%, 40-49 jas aralyǵyndaǵylar – 15% jáne 19-29 jas aralyǵyndaǵylar 18%-dy qurap otyr.
Qańtar aıynda indet juqtyrǵan aıaǵy aýyr áıelder sany da artqan. Kún saıyn orta eseppen osyndaı 8 áıeldiń boıynan KVI anyqtalyp jatyr. Oblysta syrqattanǵan júkti áıelderdiń jalpy sany 684 bolǵan edi, sonyń 661-i emdelip shyqqan.
Qańtardyń basynda balalar arasynda syrqattanǵandar sany 40%-ǵa deıin azaıǵan edi. 18 qańtardan beri olardyń sany kúrt kóterilip, qazir 135-ke jetip otyr. Búginde táýligine 28 balaǵa deıin indetke ushyraýda.
О́kinishke qaraı, osy kúnge deıin oblysta 456 adam indetten kóz jumdy. Sonyń 5%-y vaksınanyń tolyq komponentin alǵan. Qazir oblysta indettiń «Delta» men «Omıkron» shtamdary qatar júrip jatyr.
Oblystaǵy epıdemııalyq jaǵdaıdy maýsymdyq tumaý da qozdyryp tur. Osy qysta 17 814 adam tumaýratty. Bul – árbir 100 myń adamǵa 3 105 adamnan keledi degen sóz. О́tken jyldyń sáıkes merzimimen salystyrǵanda bul 34%-ǵa joǵary.
Indetke qarsy negizgi qarý – vaksına. Búginge deıin oblys halqynyń 76,22%-y nemese 282 576 adam vaksına aldy. Sonyń ishinde 260 788 adam vaksınanyń ekinshi komponentin de saldyrdy. Bul turǵydan oblys respýblıkanyń basqa óńirlerimen salystyrǵanda 8-orynda tur. Degenmen oblystyń barlyq aýdanynda vaksına salý qarqyny tómen jaǵdaıda dep aıtýǵa bolady. Mysaly, Shal aqyn, Ǵ.Músirepov, Taıynsha aýdandarynda bul kórsetkish 12-16 paıyzdan aspaıdy. Halyq vaksınanyń paıdasyn áli tolyq moıyndamaı otyr.
Qazir oblysqa Comirnati (Pfizer) vaksınasynyń 72 540 dozasy jetkizilgen. Onyń birinshi komponenti
7 836 adamǵa salyndy. Sonyń ishinde 6 016 balaǵa, 242 aıaǵy aýyr áıelge jáne
1 578 bosanǵan áıelge salyndy. Al eki komponentin de saldyrǵandar sany – 5 195 adam. Sonyń ishinde 4 057-si – balalar.
Oblystyń Ýálıhanov, Ǵ.Músirepov jáne Qyzyljar aýdandary «qyzyl aımaqta» tur. Sondaı-aq №3 emhana, jekemenshik «Densaýlyq» emdeý orny – «qyzyl aımaqta». Al buryn «qyzyl aımaqta» bolǵan Taıynsha, Aıyrtaý aýdandarynda vaksına salý qarqyny artyp, shekteý sharalary da jeńildedi. Qazir Shal aqyn, M.Jumabaev jáne Taıynsha aýdandarynda halyqty vaksınamen qamtý joǵary qarqynmen artyp keledi. Oblystyq densaýlyq saqtaý basqarmasy basshysynyń mindetin atqarýshy Nurlan Aımanovtyń aıtýynsha, vaksına saldyrý aýqymy tómen aýdandarda aýrýhanaǵa túsý koeffısıenti de joǵary.
Oblystaǵy indetpen kúresip jatqan dárigerler sany – 131, medbıkeler – 337, tómengi sanattaǵy jumyskerler sany – 305 adam. Infeksııalyq stasıonarlar búgingi tańda eki aılyq dári-dármek qorymen qamtamasyz etilgen.
Soltústik Qazaqstan oblysy
