Týrnırdegi Frensıs Ngannýdyń qarsylasy Sırıl Ganǵa saýal qoıǵan jýrnalıst chempıonnyń bul jekpe-jekti jeńil sanaıtynyn aıtyp, osy máselege qatysty Gannyń jaýabyn bilmek boldy. Sol sátte ashýǵa býlyqqan chempıon Gannan buryn ózi jaýap berdi.
«Sırıl Ganǵa qarsy shaıqas jeńil bolady degen pikirimdi qaıdan oqydyń? Sen meni solaı aıtty dep otyrsyń. Men munyńdy túsinbedim. Ras, men Stıpe Mıochıchke qarsy ótken kezdesýler óte qıyn bolǵanyn aıttym. Alaıda Ganǵa qarsy kezdesý jeńil bolady degen joqpyn. Jalpy men qandaı jekpe-jekti jeńil bolady deppin? Osy ýaqytqa deıin ondaı sóz aıtqan emespin. Ras, keıbir shaıqastar óte aýyr, al keıbiri jeńildeý ótedi. Áıtkenmen, kásipbı sportta ońaı shaıqas bolmaıdy, dosym! Eger sen ómirińde bir márte tóbelesken bolsań, ońaı jekpe-jektiń bolmaıtynyn túsiner ediń. Sondyqtan suraq qoıatyn kezde sóılemińdi durystap qurap úırengeniń jón», dedi ol.
