MAIDANGER jáne MÝZA

TARAZ QALASYNDA HALYQ QAHARMANY NURǴISA TILENDIEVTIŃ ESKERTKISh-MÚSINI AShYLDY Jeńis merekesi qarsańynda Taraz qalasyndaǵy mektep-ınternattyń aýlasynan dáýlesker kúıshi, daryndy kompozıtor Nurǵısa Tilendıevtiń eskertkish-músini ashyldy. Ataqty sazgerdiń sonaý 1943 jyly ózi suranyp maıdanǵa attanǵanyn bireý bilse, bireý bilmes. “Men keshegi Uly Otan soǵysyna ózi tilenip barǵan qazaq­tyń birimin. Jasym ásker jasy­na jetpese de basty “báıgege” tikkenim bar”. Bul – Nuraǵanyń óz sózi. Nuraǵań týraly sóz túzip, syr shert­kender, ádette, onyń mýzasy týra­ly aıtady da, al maıdanger retindegi qaharmandyq jolyna mán bermeı jatady. “Jalǵyzdyń jary – qudaı”. Aby­roı bolǵanda, kúıshi bolar balany saryaýyz balapan kezinen jyǵa tanyp, úlken óner jolyna salǵan Ahmet Jubanov 1945 jyly soǵys aıaqtalýǵa nebary eki aı qalǵanda elge demalysqa kelgen Nurǵısany sol kezdegi respýb­lıka partııa uıymynyń birinshi hat­shy­sy Jumabek Shaıahmetovke alyp baryp, “Jeńistiń tóbesi kórinip tur. dombyrashyǵa qatpyz, Nurǵısa aýadaı qajet bop tur” degen qolqamen, alyp qalady. Birinshi hatshynyń sózine Túrki­stan áskerı okrýginiń bas qolbasshysy da qarsy bolmaıdy. Desek te, kókiregi kúıge toly asyl aǵa 1943-1945 jyldary maıdanger retinde qanshama tar joldan, taıǵaq keshýden ótti degen saýal mazalaı beredi. О́ıtkeni, 1925 jyly Almaty oblysyndaǵy Jambyl aýdanyna qarasty Jambyl aýylynda dúnıe esigin ashyp, Berlınge deıingi joryq jolynan ótken Nurǵısa Atabaıulynyń soǵys týraly estelikteri de bir tóbe bolsa kerek edi. Búginde Jambyl oblysynyń ortaly­ǵyndaǵy Nurǵısa Tilendıev atyndaǵy mektep-ınternattyń qurylǵanyna 10 jyl­dan asyp otyr. Mektep dırektory Kámı­lash Ahmetjanova mektep-ınternat­taǵy oqýshylardyń sapaly bilim, sanaly tárbıe alýyna bar kúsh-jigerin jumsaýda. Jeńis merekesi qarsańynda ashylyp otyr­ǵan maıdanger, sazger aǵanyń eskertkishi de mek­tep basshysy biliktiligi­niń jarqyn mysaly. Eskertkish músinniń ashylý saltana­tyna Nurǵısa Tilendıevtiń qudaı qosqan qosaǵy Darıǵa Tilendikelini men qyzy Dinzýhra jáne kúıshi murasy janashyr­larynyń biri Oraljan Masatbaev bastaǵan qonaqtarmen birge Jambyl oblysy ákimi­niń oryn­basary Meırambek Tólep­ber­gen qaty­syp, aıaýly aǵa týraly tebirene sóz sóıledi. Ataqty kúıshiniń orkestr aldynda shalqyp turǵan sátin eske salatyn aıshyq­ty músini buǵan deıin tek qana Jambyl baba beıitiniń qasyndaǵy kúıshi qabiriniń basynda bolatyn. Sondyqtan Jambyl obly­synyń ortalyǵyndaǵy Nurǵısanyń músinin elimizdegi alǵash ret ashylyp otyrǵan eskertkish deýge tolyq negiz bar. Músinshiler Bolat Qusaıynov pen Eldar Isaqov kúıshi beınesin asqan sheberlikpen somadap shyqqan. Kósemáli SÁTTIBAIULY. Taraz.