Qazirgi ýaqytta jedel tergeý toptarymen 819 qylmystyq is tergelýde. Onyń ishinde 45-i terrorızm aktilerimen, 36-y jappaı tártipsizdikpen, 15-i adam óltirý derekterimen tergelip jatyr.
Olardyń arasynda urlyq, tonaý, qarýdy jymqyrý, bılik ókiline qatysty kúsh qoldaný faktileri de bar.
Bul ister boıynsha 970 kúdiktiler qamaýǵa alynyp, olardyń ishinde 182-si sottyń sanksııasymen kúzetpen ustaýǵa alynǵan. 29-na qatysty úıqamaqta ustaý túrindegi bultartpaý sharalary qoldanylǵan.
«464 adamdar terrorızm jáne jappaı tártipsizdik isteri boıynsha ustalyndy. Budan basqa, 226 azamat urlyq, 60-sy qarýdy zańsyz saqtaý, 39-y qarýlardy jymqyrý, 25-i buzaqylyq, 21 tonaý derekterimen qamaýǵa alyndy», dedi QR Bas prokýratýrasy birinshi qyzmet basshysynyń orynbasary Eldos Qılymjanov.
Basqa da qylmystyq ister boıynsha ustalynǵan adamdar bar.
«Osy jerde túsindirip ótken jón bolar, bir qylmystyq is boıynsha birneshe adam, ıaǵnı sybaılas qatysýshylar bolýy múmkin. Bul derekter áli de túpkilikti emes. Olar prokýratýramen ustaý negizderin tekserý jáne sottarda qamaýǵa alý isteriniń qaralý nátıjesine baılanysty. Atap aıtqanda, 29 ustalǵan tulǵalar boıynsha sottarmen qamaýǵa alýǵa bas tartylǵan, olar qazir bosatyldy. Prokýrorlar qamaýǵa alynǵandardyń ustaý mekemelerin kúndelikti tekserýde. Biz, adamdardy ustaýǵa negizder bolmaýyna baılanysty 96 adamdy ýaqytsha ustaý ızolıatorlarynan bosattyq», dedi ol.
