Betpe-bet formattaǵy kezdesýde aýdanǵa qatysty barlyq salalar boıynsha máseleler kóterildi. Qala ákimi árbir belsendiniń qozǵaǵan máselesin muqııat tyńdap, suraqtarǵa jeke-jeke jaýap berdi.
Turan shaǵynaýdan turǵyndary mektepke barar joldardy jaryqtandyrý, sýaqqy qoıý máselesin kóterdi. Jańadan boı kóterip jatqan shaǵyn aýdandaǵy kóshelerdi jaryqtandyrý jumystary eń aldymen áleýmettik nysandardarǵa barar jolǵa jasalatynyn aıtqan qala ákimi Turandy kommýnaldyq ınfraqurylymmen qamtý jumystary kezeń-kezeńimen júzege asyrylatynyn jetkizdi.
Al, Tassaı eldi mekeniniń turǵyndary jataqhanany kúrdeli jóndeýden ótkizý jáne jastarǵa sport keshenin salyp berý týraly ótinishterin jetkizdi.
Qazirgi tańda memleket jan basyna qarjylandyrý júıesin júrgizip jatqanyn aıtqan shahar basshysy bul rette áleýmettik-kásipkerlik korporasııamen birlese eldi mekenderge sport mekemelerin salýǵa jaǵdaı jasaý qajettigin málimdedi.
Asar-2 shaǵynaýdan halqy ınfraqurylym júıeleri tartylyp jatqanyn aıta kele, endigi kezekte kóshelerge ataý berýdi surady.
Qala ákimi kóshege ataý berý tártibimen júzege asyrylatynyn jáne bul másele bıyl sheshimin tabatynyn aıtty.
