Jergilikti densaýlyq saqtaý basqarmasynyń málimeti boıynsha, sársenbide Beıjińde vırýs juqtyrǵan úsh adam tirkelgen. Birneshe kún buryn tek bir ǵana adamnan vırýs anyqtalǵan edi. 15 qańtardan bastap qalada COVID-19 juqtyrǵandar onnan az bolǵanymen, bul jaqynda Olımpıada ótetin qala basshylyǵy úshin alańdatatyn jaǵdaı. Tirkelgen naýqastardan «Delta», «Omıkron» shtamdary tabylǵan.
Ulttyq densaýlyq saqtaý komıssııasynyń 20 qańtar kúngi málimdemesine sáıkes, Qytaı boıynsha barlyǵy 43 jaǵdaı anyqtalǵan. Bul bir kún burynǵy 55 naýqastan azyraq.
