Shyǵysta erkin kúresten el birinshiligi ótti

Paıdalanýǵa berilgenine jyl aınala qoımaǵan О́skemendegi Jekpe-jek saraıy búginde túrli halyqaralyq, respýblıkalyq sport dodalarynyń ortalyǵyna aınalyp keledi. Bul týraly Egemen.kz tilshisi habarlady. Jýyrda ǵana Ertistiń sol jaǵalaýynyń kórkine kórik qosyp, jarqyrap turǵan Jekpe-jek saraıynda erkin kúresten el birinshiligi ótti. 1997-98 jyly týǵan jasóspirim uldar men qyzdar arasyndaǵy Qazaqstan chempıonatyn tamashalaǵan shyǵysqazaqstandyq jankúıelerdiń daýysynan saraıdyń keń zalynda qulaq tunady. Sońǵy jyldary oblys aýmaǵynda boı kóterip jatqan sporttyq nysandardyń kóbeıýimen birge sportqa yntyzar qaýym da artyp kele jatqanynyń kýási boldyq. Elimizdiń barlyq oblysynan jáne Astana, Almaty qalalarynan dúbirli synǵa 362 sportshy qatysty. Sondaı-aq shyǵys óńirinen atalǵan jarysta 36 sportshynyń baq synaýy oblystyń sporttaǵy áleýeti nyǵaıyp kele jatqanyn baıqatty. Sport jáne dene shynyqtyrý isteri agenttigi men Shyǵys Qazaqstan oblysy ákimdigi birigip uıymdastyrǵan el chempıonatyna ár aımaqtardyń sport salasyn órkendetýge úles qosyp júrgen halyqaralyq dárejedegi sport sheberleri, memlekettik jáne aǵa jattyqtyrýshylar men elimizge belgili sport ardagerleri qatysty. Dýman Anash. О́skemen. Derekkóz: Egemen.kz. Foto: Egemen.kz.