Qyzylordada Naýryz merekesine eń úlken shelpek pisirildi

Qyzylorda oblysynyń Jalaǵash aýdanyna qarasty Jańatalap aýylynda Áz Naýryz merekesine eń úlken 7 shelpek pisirildi. Bul týraly «Qazaqstan» telearnasy habarlady. Syr óńiriniń jurtshylyǵy Ulystyń uly kúni – Naýryz merekesin toılaýǵa arnalǵan is-sharalardy bastady. Án men kúıden kende emes kıeli aımaqta jarapazanshylar Jańa jyl merekesine shaqyryp, bir-birine jyly lebizin arnady. Osyndaı sáttiń birinde Jańatalap aýyly turǵyndary arasynda kúlshe men naýryz kóje pisirýden jarys ótkizildi. Batany múdirmeı aıtqandar da boldy. Jalaǵash aýdany ishki saıasat bóliminiń basshysy Abzal Qanbaev málimdegendeı, jurtshylyq dıametri 1 metr bolatyn shelpekten dám  tatypty. Al ártúrli saıys boıynsha synǵa túsken ozattarǵa baǵaly syılyqtar  tabys etildi. Áz Naýryz-jyl bastaýy. Atam qazaq osy merzimde urpaǵy úshin yrymdap tal otyrǵyzǵan. Úı aýlasyn taza ustap, egin salǵan. Osynaý tirlik ár jyl saıyn jalǵasyp jatyr... Ámirhan Almaǵanbetov. Derekkóz: «Qazaqstan» telearnasy. Foto: «Qazaqstan» telearnasy