«Qyzǵylt tútin» úshin aıyppul salyndy

Mán-jaıdy anyqtaý maqsatynda saǵat 12:45-te ekologııa departamentiniń mamandary arnaıy aspappen aýaǵa taraǵan zııandy zattardyń mólsherin ólsheý úshin kásiporynnyń sanıtarlyq qorǵanys aımaǵyna shyqqan. Ekologter oqıǵa ornyna jetken kezde №2 sehtan shyqqan tútinniń reńki áleýmettik jelilerde jarııalanǵan fotosýrettegideı emes edi. Aýaǵa sińip úlgergen.

О́lsheý qorytyndysynda saǵat 14.15-te Egorov jáne Shaıahmetov kósheleriniń boıynan 200 metr qashyqtyqta hlordyń aýaǵa taralýy shekti normadan asyp ketý faktisi anyqtaldy. Sóıtip, ekologııa departamentine túsken ótinish negizinde 2021 jyldyń 21 jeltoqsanynan 2022 jyldyń 5 qańtaryna deıingi kezeńge jos­pardan tys tekserý engizilgen. Alaıda jumys ýaqytynyń aıaqtalýyna baılanysty QR QK 154-babynyń talaptaryna sáıkes kásiporyn basshylyǵy departament qyzmetkerlerin aýmaqqa kirgizýden bas tartypty.

Departament qyzmetkerleri ótinishte apattyq jaǵdaı oryn alýy múmkin degen málimetter kórsetilgenin eskere otyryp, ony oblystyq ónerkásiptik qaýipsizdik departamentine joldaıdy. Olardyń 2021 jylǵy 29 jeltoqsandaǵy jaýabyna sáıkes «TMK» AQ qatysty apattyq faktileriniń oryn almaǵandyǵyna jáne kásiporyn tarapynan eshqandaı aqparattyń bolmaýyna baılanysty tekserý is-sharalary júrgizilgen joq.

Memlekettik ekologııalyq tekserý qorytyndysynda 2021 jyldyń 21 jeltoqsanynda «TMK» AQ tehnologııalyq jabdyqtyń 4 fýrmasyn qysymmen tazalaý boıynsha josparly profılaktıkalyq jumystar júrgizgeni anyqtaldy. Alaı­da bul memlekettik ekologııalyq sarap­tamanyń qorytyndysy berilgen jobalyq sheshim­derde kórsetilmegen edi.

– 21 jeltoqsanda №2 sehta fýrým qondyrǵyny tazalaý boıynsha josparly tehnologııalyq jumystar júrgizildi. Bul prosedýra jobalyq sheshim retinde qarastyrylmaǵan. Kásiporyn ÁQBtK-niń 332-baby boıynsha ákimshilik jaýap­kershilikke tartyldy. Tarqatyp aıtsaq, memlekettik ekologııalyq saraptama qory­tyn­dysynda qamtylǵan talaptardy oryn­damaǵan. Aıyppul somasy 510 myń teńge bolady. Áleýmettik jelige taraǵan materıalda aýadaǵy qyzǵylt tústi gaz qospasynyń artyq mólsheri baı­qal­ǵan. Iаǵnı tazartý qaǵıdalaryn buz­ǵany úshin ÁQBtK-niń 331-baby boıynsha atmosferalyq aýaǵa lastaǵysh zattar­dyń shyǵaryndylaryn tazalaýǵa jáne baqylaýǵa arnalǵan qury­lys­tardy nemese jabdyqtardy paıdalanbaý jáne sarqyndy sýlardy aǵyzǵandary úshin aıyppul salyndy. Onyń somasy – 1 mln 750 myń teńge. Sondaı-aq tútin qubyryn ólsheý qorytyndysynda kómirtegi oksı­di 8,9 ese, hlorsýtegi 2,1 ese asyp ket­keni anyqtaldy. Osy jaǵdaılar úshin «TMK» AQ-ǵa ÁQBtK 328-baby boıyn­sha (Qorshaǵan ortaǵa ruqsat etilgen antro­pogendik áser normatıvterin buzý) aıyp­pul salyndy. Aıyppul somasy – 2 mln 371 myń teńge, – dedi oblystyq bas mem­lekettik ekologııa ınspektory, ob­lys­tyq ekologııa departamenti basshy­sy­nyń orynbasary Raýan Turarov.

Qazirgi ýaqytta departament mamandary zań buzýshylyqtardy joıý úshin jáne №2 sehta túziletin gazdardy tazartý úshin tabıǵatty neǵurlym tıimdi qorǵaý is-sharalaryn engizý týraly nusqama berdi. Josparǵa sáıkes kásiporyn bir ýaqytta 4 fýrmany tazalamaýǵa jáne ár fýrmadan keıin tazartý úshin gazdy sorý júıesin qosýǵa mindetteldi.

Ekologııa departamenti mamandary usynǵan nusqamalardyń oryndalý-oryndalmaýyn kez kelgen ýaqytta jospardan tys tekserilip, qorytyndylary qosymsha habarlanatyn bolady.

О́SKEMEN