«Memleket basshysy Qasym-Jomart Toqaev Mańǵystaý oblysyna kelgen jumys sapary kezinde óńirdiń damýyna, turǵyndardyń ál-aýqaty men ómir súrý sapasyn arttyrýǵa baǵyttalǵan keshendi jospar jasaýdy tapsyryp, Úkimettiń qoldaýymen negizgi máselelerdi sheshýge baǵyttalǵan keshendi jospar ázirlendi. Búgingi tańda keshendi jospardy ózektendirý jumystary júrgizildi. Osy oraıda keshendi jospardy jasaqtap, qabyldaýǵa qoldaý kórsetken úshin Memleket basshysyna oblys halqy atynan alǵys aıtamyn», dedi óńir basshysy.
Nurlan Noǵaevtyń sózinshe, ózektendirilgen keshendi jospar 226 is-sharamen tolyqtyrylǵan.
«Onyń ishinde ekonomıkany damytý aıasynda – 96, turǵyn úı jáne ınfraqurylym boıynsha – 54, áleýmettik sala jáne ekologııada 63 jáne azamattyq qorǵanysty qamtamasyz etýde 13 is-shara qarastyrylǵan. Josparlanǵan is-sharalardy iske asyrý nátıjesinde shamamen 55 myń jumys orny qurylady dep kútiledi», dedi Nurlan Noǵaev.
