Memleket basshysy Qasym-Jomart Toqaev Qytaı men Ortalyq Azııa elderi arasyndaǵy dıplomatııalyq qarym-qatynastardyń ornatylǵanyna 30 jyl tolýyna arnalǵan sammıtte sóz sóıledi. Sharaǵa QHR tóraǵasy Sı Szınpın, О́zbekstan prezıdenti Shavkat Mırzıeev, Qyrǵyzstan prezıdenti Sadyr Japarov jáne Tájikstan prezıdenti Emomalı Rahmonnyń onlaın rejımde qatysyp jatyr.
«Azııadaǵy ózara is-qımyl jáne senim sharalary jónindegi keńestiń mańyzdy múmkindikterine nazar aýdarǵym keledi. Osy forýmnyń qazirgi tóraǵasy retinde Qazaqstan AО́SShK tıimdiligin arttyrý boıynsha júıeli sharalar qabyldap jatyr. Kezdesýdi Azııadaǵy qaýipsizdik pen damý uıymyna aınaldyrý aǵymdaǵy syn-qaterler men qaýip-qaterlerge qarsy turýdaǵy ujymdyq kúsh-jigerimizdi sapaly jańa deńgeıge kóterer edi. Áriptesterge osy bastamany qoldaǵany úshin alǵys aıtyp, bıyl kúzde Qazaqstan astanasynda ótetin mereıtoılyq sammıtke qatysýǵa shaqyramyn», dedi Toqaev.
Is-sharanyń qorytyndysy boıynsha dıplomatııalyq qatynastardyń ornaǵanyna 30 jyl tolýyna oraı birlesken málimdeme qabyldanady.
