Bıznes pen ınvestısııalarǵa qatysty kez kelgen zańsyz áreket kásipkerlikti qoldaý jónindegi memlekettik saıasatty iske asyrýǵa kedergi retinde qabyldanatynyn aıtqan qala ákimi M.Áıtenov kásipkerlerdi adal bıznes júrgizýge shaqyrdy. Al Sybaılas jemqorlyqqa qarsy is-qımyl Agenttigi Shymkent qalasy boıynsha departamentiniń basshysy Shattyq О́teev elimizde parasatty bıznesti qalyptastyrýdyń mańyzdylyǵyn atap ótti. Bul úshin tujyrymdamada sybaılas jemqorlyqqa qarsy standarttardy engizý boıynsha sharalar kesheni kózdelgen. Sondaı-aq kezdesýde túrli salalardaǵy sybaılas jemqorlyqqa qarsy is-qımyl boıynsha ázirlengen sharalar jóninde baıandaldy. Korporatıvtik sektorda sybaılas jemqorlyqqa qarsy standarttardy engizý sharalary egjeı-tegjeıli kórsetildi.
Qujat jobasyn talqylaý barysynda megapolıstiń bıznes ókilderi tujyrymdamaǵa qoldaý bildirdi. Kásipkerler sybaılas jemqorlyqqa qarsy standarttardy óz erkimen engizýge baǵyttalǵan sharalar blogyn maquldap, bul óz kezeginde bıznesti tıimdi damytýǵa múmkindik beretindigin atap ótti.
