О́ńirlik kommýnıkasııalar qyzmetinde ótken brıfıngte oblystyq densaýlyq saqtaý basqarmasy basshysynyń orynbasary Jangeldi Shaıymbetov aýrýdy anyqtaý men aldyn-alý baǵytyndaǵy jumystardy saralap ótti.
– Qazir oblys «qyzyl aımaqtar» qatarynda tur. Indet juqtyrýshylar qatary da kún saıyn artyp barady. Dertti dendetpeýdiń jalǵyz amaly – ekpe alý. Osy kúni oblysta vaksınanyń 1 komponentin alǵandar 92,6 paıyz bolsa, ekinshi bóligin saldyrǵandar da osy mejege jetip qaldy. Al revaksınalaýdan 39 537 turǵyn ótken. Sondaı-aq 8 myń doza «Spýtnık-Laıt» vaksınasy jetkizilip, barlyq emhanaǵa jóneltilýde, – dedi J.Shaıymbetov.
Indetke shaldyǵýshylar oblys ortalyǵynda kóp tirkelip otyr. Aýdandar arasynda Shıeli jáne Jańaqorǵanda vırýs juqtyrǵandar basym. Oblystyq sanıtarlyq-epıdemıologııalyq baqylaý departamenti basshysynyń mindetin atqarýshy Álııa Ábdiqaıymova 20-39 jas aralyǵyndaǵylar indetke jıirek iligip otyrǵanyn aıtyp ótti.
– Sondaı-aq 14 jasqa deıingi balalar arasynda da kóbirek baıqalyp otyr. Oblysta koronavırýs ınfeksııasynan bólek, jiti respıratorlyq vırýsty ınfeksııalardyń epıdahýaly kúrdelenip turǵanyn da aıta keteıik. Sońǵy aptadaǵy kórsetkishter ótken kezeńdermen salystyrǵanda 1,5 esege artqan, – dedi Álııa Mútálipqyzy.
Qyzylorda oblysy
