2016 jyly Neuralink-tiń negizin qalaǵan Mask tehnologııasy týraly «sal aýrýy bar adamdardyń smartfondy saýsaqtyń kómegimen qoldanatyn adamǵa qaraǵanda mıdyń kúshimen tezirek qoldanýyna múmkindigi bolady» degen pikir aıtqan edi.
Jasandy ıntellekttiń mıkrochıpterin Peıdjer esimdi makaka maımylynyń mıyna jáne Gertrýda atty talpaq tanaýǵa sátti ımplantasııalaǵan. Sılıkon alqaby kompanııasy qazirgi ýaqytta jańa tehnologııany adamdarǵa synaqtan ótkizý úshin «klınıkalyq zertteýler jónindegi mamandardy» jınap jatyr.
Neuralink buǵan deıin tek aqyl-oıyn qoldana otyryp, Pong beıne oıynyn oınaıtyn, chıpke ımplantasııalanǵan maımyldyń beınesin jarııalaǵan bolatyn.
«Meniń oıymsha, Neuralink kómegimen julyn jaraqaty bar adamnyń búkil denesiniń fýnksııasyn qalpyna keltirýge múmkindik bar. Neuralink maımyldarmen jaqsy jumys isteıdi. Biz kóptegen synaqtardy júrgizip jatqandyqtan onyń óte qaýipsiz, senimdi ekenine, qurylǵyny kez-kelgen ýaqytta densaýlyqqa zııan keltirmeı alyp tastaýǵa bolatyndyǵyn rastaımyz», deıdi ol.
Ilon Mask «bul qurylǵy bas súıegine jaqyn ımplantasııalanyp, symsyz zarıadtalady, sondyqtan siz ózińizdi qalypty sezinesiz», deıdi.
2019 jyly qurylǵy 2020 jylǵa qaraı adamnyń bas súıegine ornatylady degen boljam jasalǵan.
Asel Jıgıtova,
L.N.Gýmılev atyndaǵy Eýrazııa Ulttyq ýnıversıtetiniń stýdenti.
