«О́tken jyly biz 15 mekteptiń qurylysyn aıaqtaýdy josparladyq. Búginde qurylys jumystary aıaqtaldy. Bıýdjettik ınvestısııalyq joba aıasynda Maıqaıyń, Taıbýryl, Oqjetpes-Bókeev kóshelerindegi, Nájimedenov - Sátpaev qıylysyndaǵy mektepterdiń qurylysy aıaqtaldy. Memlekettik-jekeshelik áriptestik sheńberinde tórt mekteptiń, atap aıtqanda, 28, 38 kóshelerde 2000 oryndyq mekteptiń, Buqar jyraý kóshesindegi 2000 oryndyq mekteptiń, Baıtursynov kóshesindegi 2000 oryndyq mekteptiń, sondaı-aq Jaǵalaý shaǵyn aýdanynda ornalasqan mekteptiń qurylysy aıaqtaldy», dedi Nur-Sultan qalasy qurylys basqarmasynyń basshysy Arsen Janǵaskanov qalalyq máslıhat otyrysynda.
Basqarma basshysynyń málimetinshe, ótken jyly О́ndiris kóshesi men Kóktal shaǵyn aýdanynda eki dene shynyqtyrý-saýyqtyrý kesheni paıdalanýǵa berildi.
